«ۇلكەن جەتىلىك» ەلدەرى: تاياۋ شىعىستاعى زورلىق-زومبىلىقتى توقتاتۋى كەرەك
استانا. KAZINFORM - سىرتقى ىستەر مينيسترلەرى تاياۋ شىعىستاعى جاعداي تۋرالى بىرلەسكەن مالىمدەمە جاسادى.
«ءبىز، «ۇلكەن جەتىلىك» ەلدەرىنىڭ سىرتقى ىستەر مينيسترلەرى - كانادا، فرانسيا، گەرمانيا، يتاليا، جاپونيا، ۇلى بريتانيا، ا ق ش - جانە ە و- نىڭ جوعارعى وكىلى تاياۋ شىعىستاعى شيەلەنىستىڭ ارتۋىنا قاتتى الاڭداۋشىلىق بىلدىرەمىز، بۇل ايماقتاعى جانجالدىڭ ورشۋىنە قاۋىپ توندىرەدى»، - دەلىنگەن بريتان سىرتقى ىستەر مينيسترلىگىنىڭ ۆەب- سايتىندا جاريالانعان مالىمدەمەدە.
«ءبىز بارلىق قاتىسۋشى تاراپتاردى قارىمتا زورلىق- زومبىلىقتىڭ قازىرگى جويقىن سيكلىن جالعاستىرۋدان باس تارتۋعا، شيەلەنىستى ازايتۋعا جانە دەەسكالاتسيا ءۇشىن سىندارلى جۇمىس ىستەۋگە تاعى دا شاقىرامىز. تاياۋ شىعىستاعى جاعدايدىڭ ودان ءارى شيەلەنىسۋىنەن ەشبىر ەل نەمەسە حالىق پايدا كورمەيدى»، - دەپ اتاپ ءوتتى ديپلوماتيالىق ۆەدومستۆولاردىڭ باسشىلارى.
ايتا كەتەيىك، سوڭعى كۇندەرى يران قولدايتىن «حەزبوللا» توبىنىڭ سوعىسۋ قاۋپىنە بايلانىستى ءبىرقاتار ەل ءوز ازاماتتارىن ليۆاننان دەرەۋ كەتۋگە شاقىرعان بولاتىن.
اۆتور
ەركەجان سماعۇلوۆا
