ەلدەگى ايىپپۇل تۇراقتارىندا 5 مىڭ موپەد «قاماۋدا» تۇر
استانا. KAZINFORM - ەلدەگى ايىپپۇل تۇراقتارىندا 5 مىڭ موپەد «قاماۋدا» تۇر. بۇل تۋرالى ىشكى ىستەر ءمينيسترى ەرجان سادەنوۆ پرەمەر- ءمينيستردىڭ سۇراعىنا بەرگەن جاۋابىندا ايتتى.
«جاڭا عانا «ەگەمەن قازاقستان» گازەتىنە شىققان «موپەدتەردىڭ ماسەلەسى ۋايىمعا اينالدى» دەگەن ماقالانى وقىپ شىقتىم. سول ماقالادا كورسەتىلگەندەي، بيىلدىڭ وزىندە موپەدتەردىڭ قاتىسۋىمەن بولعان اپاتتاردا 27 ادام قازاق تاپقان. ماسقارا دەرەكتەر! وسى ماسەلەنى قالاي شەشىپ جاتىرمىز؟ » - دەپ سۇرادى و. بەكتەنوۆ مينيستردەن.
ءمينيستردىڭ ايتۋىنشا، موپەدتەر قوزعالىسىن رەتتەيتىن زاڭ جوباسى سەناتتا جاتىر.
«ءيا، پروبلەمالار بار. كوبىنەسە بۇل موپەدتەرمەن جاسوسپىرىمدەر، كۋرەرلەر جۇرەدى. زاڭناما اياسىندا شارالار قابىلداپ جاتىرمىز. بارلىق موپەدتەر تىركەۋگە الىنادى. ودان كەيىن مەملەكەتتىك نومەر بەرىلەدى. سودان كەيىن ول موپەدتەردى جۇرگىزۋ ءۇشىن كۋالىك الۋ كەرەك بولادى. قازىر زاڭ جوباسى سەناتتا جاتىر. ءبىز ونى كۇتپەستەن جۇمىس جۇرگىزىپ جاتىرمىز. بۇگىنگى تاڭدا 39 مىڭ جۇرگىزۋشى انىقتالىپ، تارتىپتىك جازاعا تارتىلدى. ونىڭ ىشىندە كامەلەتكە تولماعان 202 ادام بار. ولاردىڭ اتا- انالارى جاۋاپقا تارتىلدى.
ال ايىپپۇل تۇراقتارىنا 5 مىڭنان استام موپەد قامالدى. بۇل جۇمىستاردى جالعاستىرامىز» ، - دەدى ەرجان سادەنوۆ.
اۆتور
ەسىمجان ناقتىباي
