ەلدوس سمەتوۆتىڭ اۋىلىندا اسفالت توسەيتىن مەردىگەرلەر سوتتاسىپ جاتىر
استانا. KAZINFORM - جامبىل وبلىسىنىڭ اكىمى ەربول قاراشوكەيەۆ پاريج وليمپياداسىنىڭ چەمپيونى ەلدوس سمەتوۆتىڭ اۋىلىنا اسفالت توسەۋ جۇمىستارى نەگە وسى كۇنگە دەيىن كەشىكتىرىلگەنىن ايتتى.
«ەلدوس سمەتوۆ چەمپيون بولماسا، ونى قۇتتىقتاۋعا ءسىز بارماساڭىز، ول اۋىلعا اسفالت توسەلمەيتىن بە ەدى؟» - دەپ سۇرادى ب ا ق وكىلى پارلامەنت پالاتالارىنىڭ بىرلەسكەن وتىرىسىنىڭ الدىندا.
وبلىس اكىمىنىڭ سوزىنشە، نەگىزى ول اۋىلعا اسفالت شىلدە ايىندا توسەلىپ قويۋ كەرەك بولعان.
«نەگىزى ول اۋىلعا قازان ايىندا اسفالت توسەۋ جوسپاردا بولعان. وزدەرىڭىز مەملەكەتتىك ساتىپ الۋ پروتسەستەرى وڭاي ەمەس ەكەنىن بىلەسىزدەر. ەكى مەردىگەر سوتتاسىپ جاتىر. سوندىقتان اسفالت توسەۋ ماسەلەسى كەشىگىپ كەلدى. ايتپەسە شىلدە ايىندا ول جولعا اسفالت توسەپ قويۋىمىز كەرەك ەدى. ول جولدى مەردىگەرلەر ءوز تاراپىنان جاساپ بەردى. جالپى جوسپاردا ول اۋىلدىڭ التى الدە سەگىز جولىن جوندەۋ ماسەلەسى بولعان. وعان ۇلگەرمەي جاتىر»، - دەدى ەربول قاراشوكەيەۆ.
ايتا كەتەيىك، ەلدوس سمەتوۆ تۇراتىن اۋىلعا دزيۋدوشى پاريج وليمپياداسىنىڭ چەمپيونى اتانعاننان كەيىن اسفالت توسەلگەنى الەۋمەتتىك جەلىدە قىزۋ پىكىرتالاس تۋعىزعان ەدى.
اۆتور
ەسىمجان ناقتىباي
