11:03, 28 - شىلدە 2024 | GMT +6
ەلدوس ناعىز چەمپيوندىق مىنەز كورسەتتى - گەننادي گولوۆكين
پاريج. KAZINFORM – ق ر ۇلتتىق وليمپيادا كوميتەتىنىڭ پرەزيدەنتى گەننادي گولوۆكين دزيۋدوشى ەلدوس سمەتوۆتى پاريجدەگى وليمپيادا ويىندارىندا توپ جارۋىمەن ارنايى قۇتتىقتادى.
«ءبىزدىڭ داڭقتى سپورتشىمىز ەلدوس سمەتوۆتى وليمپيادا ويىندارىنداعى جەڭىسىمەن قۇتتىقتايمىن! ەلدوس بۇل مەدالعا قول جەتكىزۋ ءۇشىن ءۇش وليمپيادالىق تسيكلدى ارتتا قالدىرىپ، ءوزىنىڭ ناعىز چەمپيوندىق مىنەزىن كورسەتتى! بۇل التىندى ەلدوس الماعاندا، كىم الادى؟! ۇلتتىق وليمپيادالىق كوميتەت اتىنان ەلدوس پەن ونىڭ باپكەرى عالىمجان جىلگەلديەۆتى پاريج وليمپياداسىنداعى التىن مەدالمەن قۇتتىقتايمىن! ەلدوستىڭ جەڭىستى باستاماسى ۇلتتىق قۇراما ءۇشىن جالعاسىن تابا بەرسىن! العا، قازاقستان!» - دەدى ق ر ۇلتتىق وليمپيادا كوميتەتىنىڭ پرەزيدەنتى گەننادي گولوۆكين.
اۆتور
كۇنسۇلتان وتارباي
