ەلدەن 200 دەن استام شەتەل ازاماتى شىعارىلدى - ءى ءى م

استانا. KAZINFORM - كوشى-قون زاڭناماسىن بۇزعان 218 شەتەل ازاماتى قازاقستان اۋماعىنان شىعارىلدى. بۇل تۋرالى ىشكى ىستەر مينيسترلىگى ەسىرتكىگە قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ ءمالىم ەتتى.

«توسقاۋىل» وپەراتسياسىنىڭ شەڭبەرىندە كوشى-قون پوليتسياسىنىڭ قىزمەتكەرلەرىمەن بىرلەسىپ كۇن سايىن شەتەلدىك ازاماتتار جانە ولاردىڭ تۇراتىن جەرلەرىنە تەكسەرىستەر جۇرگىزىلەدى. وپەراتسيا باسىنان بەرى كوشى-قون زاڭناماسىن بۇزۋدىڭ 1321 دەرەگى انىقتالدى، 218 قۇقىقبۇزۋشى ەلدىڭ سىرتىنا شىعارىلدى»، - دەدى باقىتجان ءامىرحانوۆ ۆەدومستۆودا وتكەن باسپا ءسوز ءماسليحاتىندا.

ودان بولەك، مينيسترلىك وكىلى 5-9-اقپان ارالىعىندا وتكەن «توسقاۋىل» جەدەل-پروفيلاكتيكالىق ءىس-شاراسى بارىسىندا باسقا دا قىلمىستاردىڭ اشىلعانىن ايتتى.

«ىزدەستىرۋ، ءتىنتۋ جۇمىستارى ۇيرەتىلگەن يتتەردىڭ كومەگىمەن اۆتوكولىكتەرگە، باگاجعا، پوشتالىق بولىمشەلەرگە جانە باسقا دا وبەكتىلەرگە جۇرگىزىلەدى. سول ارقىلى 33 ەسىرتكى قىلمىسى اشىلدى»، - دەيدى سپيكەر.

اۆتور

داۋلەت ىزتىلەۋ