ەلبرۋس شىڭىن باعىندىرعان الپينيست جەتىستىگىن سالتانات نۇكەنوۆاعا ارنادى
استانا. KAZINFORM - قازاقستاندىق الپينيست ساپفيرا قانايەۆا ەۋروپانىڭ ەڭ بيىك نۇكتەسى - ەلبرۋس تاۋىنا ءساتتى كوتەرىلدى. ول تاۋ باسىنا شىققان جەتىستىگىن سالتانات نۇكەنوۆانىڭ رۋحىنا ارنادى.
ساپفيرا قانايەۆا جاقىندا ەلگە ورالىپ، العاشقى اسەرىمەن ءبولىستى. تاجىريبەلى الپينيستەردەن قۇرالعان كوماندا ءوز جولىن 3-مامىر كۇنى تاڭەرتەڭ باستاپ، ونىڭ شىڭىنا بىرنەشە ساعاتتىق قاجىرلى ەڭبەكتەن كەيىن جەتتى.
قاتىسۋشىلاردىڭ ايتۋىنشا، اۋا رايى كۇردەلى بولدى جانە بارلىق توپ ءساتتى كوتەرىلگەننەن كەيىن لاگەرگە امان ورالدى.
«سالتانات مەن ءۇشىن تەك شابىت بولعان جوق. تاۋ شىڭىنا كوتەرىلۋ يدەياسى ماعان كاباردين- بالقارداعى تەرىسكولدە جۇرگەنىمدە كەلدى. وندا مەن ەۋروپانىڭ ەڭ بيىك نۇكتەسى - ەلبرۋسقا شىعىپ، جەڭىستى سالتاناتقا ارناۋدى جوسپارلادىم. بويجەتكەننىڭ قايعىلى ءولىمىنىڭ وقيعاسى كوپتەگەن ادامنىڭ جۇرەگىن ەلجىرەتتى. سونىڭ ىشىندە مەن دە بارمىن. مەن بىردەڭە ىستەپ، تاۋلاردى جىلجىتىپ، ادىلدىكتى قالپىنا كەلتىرگىم كەلدى»، - دەپ ءبولىستى ول.
5642 مەتر بيىكتىكتە ورنالاسقان ەلبرۋس - كوپتەگەن الپينيست ءۇشىن ماڭىزدى سيمۆول. بۇل تاۋعا شىعۋ تاماشا فيزيكالىق دايىندىقتى، تاجىريبەنى جانە تابيعاتتى قۇرمەتتەۋدى تالاپ ەتەدى. قازاقستاندىق الپينيست ساپفيرا قانايەۆا - «جەتى قۇرلىقتىڭ جەتى شىڭىن» باعىندىرعان تۇڭعىش قازاق ايەلى.
سپورتشى قازاقستاننىڭ تۋىن افريكا، ەۋروپا جانە وڭتۇستىك امەريكانىڭ شىڭىنا تىكتى.
بۇعان دەيىن حابارلاعانىمىزداي، قۇرامىندا انار بۋراشيەۆا مەن ماقسات جۇمايەۆ بار «Kazakh Everest Team» قازاقستاندىق كوماندا الەمنىڭ ەڭ بيىك شىڭى - ەۆەرەست شىڭىنا (8848 م) ءساتتى كوتەرىلدى.
اۆتور
زارينا تۋعانبايەۆا
