ەل وقۋشىلارى العاش رەت قازاق تىلىنەن ارنايى ەمتيحان تاپسىرىپ جاتىر

оқушы
Фото: AI

استانا. KAZINFORM - بۇگىن قازاقستان مەكتەپتەرىندە ارالىق جانە قورىتىندى ەمتيحان تاپسىرۋ كەزەڭى باستالدى. ەمتيحاندار 11-ماۋسىمعا دەيىن جالعاسادى. بۇل جايىندا وقۋ-اعارتۋ مينيسترلىگىنىڭ باسپا ءسوز قىزمەتىنەن حابارلاندى.

بيىل ءبىرىنشى رەت ءبىلىم الۋشىلاردىڭ وقۋ باعدارلامالارىن يگەرۋىن، وقۋ جانە جازۋ ساۋاتىن ايقىنداۋ ماقساتىندا 5-8، 10-سىنىپتار 31-مامىرعا دەيىن قازاق تىلىنەن ەمتيحان تاپسىرادى.

ەمتيحاننىڭ ناقتى ۋاقىتىن وقۋ ورىندارى وزدەرى بەلگىلەيدى.

ەمتيحان ەكى بولىكتەن تۇرادى: جازباشا جانە اۋىزشا.

وقۋشىلار ەسسە جازادى، سونداي-اق، ءماتىندى وقۋ، اڭگىمەلەسۋ جانە ءماتىندى تىڭداپ ءتۇسىنۋ بويىنشا ءوز شەبەرلىگىن كورسەتەدى.

29-مامىر مەن 10-ماۋسىم ارالاعىندا 9-سىنىپتى بىتىرۋشىلەر ءۇشىن قورىتىندى ەمتيحاندار بولادى، ال 11-سىنىپتى بىتىرۋشىلەر 28-مامىر – 11-ماۋسىم ارالىعىندا ەمتيحان تاپسىرادى.

«اقتوبە وبلىسىنان 9 مەكتەپ، اتىراۋ وبلىسىنان 20 مەكتەپ جانە سولتۇستىك قازاقستان وبلىسىنان 5 مەكتەپ وقۋشىلارى بۇل وڭىرلەردە تابيعي سيپاتتاعى توتەنشە جاعداي جاريالانۋىنا بايلانىستى ارالىق جانە قورىتىندى اتتەستاتسيالاۋدان بوساتىلدى»، - دەپ اتاپ ءوتتى ۆەدومستۆونىڭ باسپا ءسوز قىزمەتى.

قورىتىندى اتتەستاتسيادان بارلىعى 340 مىڭنان استام 9-سىنىپتى بىتىرۋشىلەر، سونداي- اق بيىل 11-سىنىپتى ءبىتىرۋشى 186 مىڭ وقۋشى وتەدى.

اۆتور

جانات قاپالبايەۆا

سوڭعى جاڭالىقتار