ەلدە كومىر تاسىمالى 9 ايدا 77,8 ميلليون تونناعا جەتتى

بۇل وتكەن جىلدىڭ سايكەس كەزەڭىمەن سالىستىرعاندا %1,5- عا كوپ (2025 -جىلدىڭ 9 ايىندا - 76,6 ميلليون توننا). ونىڭ ىشىندە 25 ميلليون توننا ەكسپورتقا جونەلتىلسە، 51 ميلليون توننادان استامى ەل ىشىندە تاسىمالداندى.

جاڭا جىلىتۋ ماۋسىمىنا دايىندىق باستالعالى، اعىمداعى جىلدىڭ 1-مامىرى مەن 30 -قىركۇيەگى ارالىعىندا رەسپۋبليكا بويىنشا 28,1 ميلليون توننا كومىر تاسىمالداندى. بۇل كولەم وتكەن جىلعى ءتيىستى كەزەڭدەگى كورسەتكىشپەن بىردەي. ونىڭ ىشىندە 25,8 ميلليون توننا كومىر جىلۋ ەلەكتر ورتالىقتارىنا (ج ە و)، 2,3 ميلليون توننا كوممۋنالدىق-تۇرمىستىق قاجەتتىلىكتەرگە جونەلتىلدى. بارلىق ج ە و- دا وتىن قورى بەلگىلەنگەن نورماتيۆتەن جوعارى نەمەسە نورماتيۆتىك دەڭگەيدە.

اعىمداعى جىلىتۋ ماۋسىمىندا كوممۋنالدىق-تۇرمىستىق قاجەتتىلىكتەرگە ارنالعان كومىرگە جوسپارلى سۇرانىس 7,3 ميلليون توننا. بۇل وتكەن ماۋسىممەن سالىستىرعاندا 154 مىڭ تونناعا از. سۇرانىستىڭ تومەندەۋى ەلدەگى گازداندىرۋ دەڭگەيىنىڭ ارتۋىنا بايلانىستى.

تاسىمالداۋدى قامتاماسىز ەتۋ ءۇشىن جالپى پاركى 27 مىڭ جارتىلاي ۆاگوننان تۇراتىن «قازتەمىرترانس» ا ق- نىڭ 18,5 مىڭ ۆاگونى جۇمىلدىرىلدى. جۇكتەمە جوعارى كەزەڭدەردە 3 مىڭ ۆاگونعا دەيىن رەزەرۆ قالىپتاستىرىلادى. جىلجىمالى قۇرام پاركى كومىر تاسىمالداۋ قاجەتتىلىگىن تولىق قامتاماسىز ەتەدى.

جىلىتۋ ماۋسىمىنا كومىر تاسىمالدارى شتاتتىق رەجيمدە جۇزەگە اسىرىلۋدا. جىلجىمالى قۇراممەن قامتاماسىز ەتۋ بويىنشا شەكتەۋلەر مەن ماسەلەلەر بايقالمايدى.

ايتا كەتەلىك استانادا كومىر قانشا تۇرادى جانە قايدان ساتىپ الۋعا بولاتىنى تۋرالى جازعان ەدىك.