ەل ەكونوميكاسى 10 ايدا 4,5 پايىزعا ءوستى
استانا. KAZINFORM - ۇ س ب- نىڭ الدىن الا دەرەكتەرىنە سايكەس، 2026 -جىلعى قاڭتار- قازاندا قازاقستاننىڭ ج ءى ءو- ءنىڭ ناقتى ءوسىمى %4,5 -دى قۇرادى. بۇل 9 ايداعى كورسەتكىشپەن سالىستىرعاندا 0,3 پايىزدىق تارماققا جوعارى، دەپ حابارلايدى ۇكىمەتتىڭ باسپا ءسوز قىزمەتى.
ەكونوميكالىق وسىمگە نەگىزىنەن شيكىزاتتىق ەمەس سەكتور ۇلەس قوستى. الدىن الا باعالاۋ بويىنشا، اتالعان سەكتور %5,6- عا وسكەن.
ونەركاسىپتىك ءوندىرىس كولەمى %3,5- عا ارتتى.
بۇل رەتتە وڭدەۋشى سەكتوردىڭ ءوسۋ قارقىنى توعىز ايدا %8,6- دان اعىمداعى جىلعى ون ايدا %9,3- عا دەيىن ارتتى.
وڭدەۋ سەكتورىنداعى ەڭ جوعارى ءوسۋ قارقىنى ماشينا جاساۋدا (%22,2)، فارماتسيەۆتيكادا (%50,9)، دايىن مەتالل بۇيىمدارىن وندىرۋدە (%30,4)، حيميا ونەركاسىبىندە (%21,9)، رەزەڭكە جانە پلاستماسسا بۇيىمدارىن وندىرۋدە (%18,1)، تاماق ونىمدەرىندە (%13)، قۇرىلىس ماتەريالدارىندا (%5,4) بايقالادى.
قۇرىلىس سالاسىندا ءوسىم %13,1- دى، كولىك جانە قويمادا - %7,5- دى، ساۋدادا - %6,2- دى، اۋىل شارۋاشىلىعىندا - %5,2- دى، بايلانىس سالاسىندا %4,9- دى قۇرادى.
ايتا كەتەيىك، قازاقستان حالقىنا جولداۋىن جاريالاۋ كەزىندە پرەزيدەنت قاسىم-جومارت توقايەۆ تاۋار ءوندىرۋ جانە وتكىزۋ ءۇشىن قوسىمشا سيفرلىق قۇرالدار كەرەك ەكەنىن ايتتى.
