ەلدە باس دارىگەرلەر مەن ولاردىڭ ورىنباسارلارى اتتەستاتسيادان وتە الماي جاتىر

قازاقستاندا پەرزەنتحانالار، بالالار ستاتسيونارلارى مەن جەدەل مەديتسينالىق جاردەم ستانتسيالارىنىڭ باسشىلارى جانە ولاردىڭ ورىنباسارلارىن اتتەستاتتاۋ جالعاسىپ جاتىر. 2026 -جىلعى 2 -قاراشاداعى جاعداي بويىنشا تەستىلەۋگە قاتىسۋشىلاردىڭ %20- ى ءوتۋ بالىن جيناي الماعان.

اتتەستاتتاۋدىڭ ءبىرىنشى كەزەڭى (تەستىلەۋ) 14-قازاننان باستاپ وتكىزىلىپ كەلەدى. كورسەتىلگەن كۇنگە دەيىن وعان 15 وڭىردەن 235 ادام قاتىسقان. بۇل اتتەستاتتاۋدان وتۋگە ءتيىس قاتىسۋشىلاردىڭ جالپى سانىنىڭ %72,1- ىن قۇرايدى.

— الدىن الا ناتيجەلەر بويىنشا 188 قاتىسۋشى نەمەسە %80- ى تەستىلەۋدەن ءساتتى وتكەن. تاعى 47 ادام (%20) قاجەتتى بالل جيناي الماعان. ولاردىڭ قاتارىندا 25 باسشى جانە 22 باسشىنىڭ ورىنباسارى بار. سونىمەن قاتار 27 ادام تەستىلەۋگە كەلمەگەن.

تەرىس ناتيجە كورسەتكەندەردىڭ ەڭ كوپ سانى اقمولا، ماڭعىستاۋ جانە قوستاناي وبلىستارىندا تىركەلدى. بۇل ءۇش وڭىرگە ءوتۋ بالىن جيناي الماعان قاتىسۋشىلاردىڭ جالپى سانىنىڭ %55,3- ى تيەسىلى.

استانا قالاسى مەن پاۆلودار وبلىسىندا بارلىق قاتىسۋشىلار تەستىلەۋدەن ءساتتى ءوتتى، — دەلىنگەن د س م حابارلاماسىندا.

مەديتسينالىق ۇيىمدار باسشىلارىنىڭ كاسىبي قۇزىرەتتىلىگىن باعالاۋ مەديتسينالىق كومەكتىڭ ساپاسى مەن قاۋىپسىزدىگىن قامتاماسىز ەتۋدە تىكەلەي ماڭىزعا يە. ويتكەنى ۇيىمداردىڭ جۇمىسىن ۇيىمداستىرۋ، ىشكى ۇدەرىستەردىڭ تيىمدىلىگى جانە مەديتسينالىق قىزمەتتەردىڭ ۋاقتىلى كورسەتىلۋى باسقارۋشىلىق شەشىمدەرگە بايلانىستى.

اتتەستاتتاۋ تەك اتالعان مەديتسينالىق ۇيىمداردىڭ باسشىلارى مەن ولاردىڭ ورىنباسارلارىنا قاتىستى جۇرگىزىلەتىنىن ايتا كەتكەن ءجون.

كاسىبي قۇزىرەتتىلىككە اتتەستاتتاۋ قاعيدالارىنا سايكەس تەستىلەۋدەن تەرىس ناتيجە العان قاتىسۋشىلار سۇحباتتاسۋ كەزەڭىنە جىبەرىلمەيدى جانە التى ايدان كەيىن قايتا اتتەستاتتاۋدان وتۋگە ءتيىس.

ۇسىنىلعان دەرەكتەر اتتەستاتتاۋدىڭ تۇپكىلىكتى قورىتىندىسى ەمەس، ءبىرىنشى كەزەڭنىڭ ارالىق ناتيجەلەرى ەكەنىن اتاپ وتەمىز. تەستىلەۋ 2026 -جىلعى جەلتوقسان ايىنىڭ سوڭىنا دەيىن جالعاسادى.

ايتا كەتەلىك قازاقستاندا دارىگەر تاپشىلىعى %20,4- عا ازايعانى تۋرالى جازعان ەدىك.