ەلدە الداعى قىس قانداي بولادى

اۋا تەمپەراتۋراسى كليماتتىق نورمادان 2 گرادۋس جوعارى بولادى جانە جاۋىن-شاشىن مول تۇسەدى دەپ بولجانۋدا (نورمالار اۋا رايى بيۋللەتەنىنىڭ كەستەسىندە كورسەتىلگەن).

جاۋىن- شاشىننىڭ ەڭ كوپ مولشەرى سولتۇستىك- باتىس، سولتۇستىك، سولتۇستىك- شىعىس جانە شىعىس وڭىرلەردە، سونداي- اق وڭتۇستىك- شىعىستىڭ شىعىس بولىگىندە جانە تاۋلى اۋداندارىندا كۇتىلەدى. قازاقستاننىڭ باسىم بولىگىندە جاۋىن- شاشىن ارالاس تۇردە (جاڭبىر، قار، جاڭبىر ارالاس قار) جاۋادى. سولتۇستىك جانە شىعىس وڭىرلەردە، ايدىڭ باسىن قوسپاعاندا، نەگىزىنەن قار جاۋادى دەپ بولجانۋدا. ايدىڭ باسىندا جاڭبىر مەن قار ارالاس جاۋۋى مۇمكىن.

بۇدان بولەك، ەلىمىزدىڭ باسىم بولىگىندە تۇمان، كوكتايعاق قۇبىلىستارى، جەلدىڭ ەكپىندى سوعۋى، ال رەسپۋبليكانىڭ سولتۇستىك جارتىسىندا كوبىنە بۇرقاسىن بولۋى ىقتيمال.

ايدىڭ باسىندا ەلىمىزدىڭ باسىم بولىگىندە اۋا تەمپەراتۋراسىنىڭ جوعارىلاۋى كۇتىلەدى:

سولتۇستىكتە، ورتالىقتا جانە شىعىستا: تۇندە 0…5+ گرادۋس- قا دەيىن، كۇندىز 5+…16+ گرادۋس- قا دەيىن؛

وڭتۇستىكتە جانە وڭتۇستىك- شىعىستا: تۇندە 5+…15+ گرادۋس- قا دەيىن، كۇندىز 15+…25+ گرادۋس- قا دەيىن.

ال باتىس جانە وڭتۇستىك- باتىس وڭىرلەردە اۋا تەمپەراتۋراسىنىڭ تومەندەۋى كۇتىلەدى: تۇندە 0…7− گرادۋس- قا دەيىن، كۇندىز 0…5+ گرادۋس- قا دەيىن. وڭتۇستىكتەگى مەتەوستانتسيالاردا تۇنگى تەمپەراتۋرا 2−…3+ گرادۋس، كۇندىز 3+…10+ گرادۋس شاماسىندا بولادى دەپ بولجانۋدا.

ايدىڭ ەكىنشى جانە ءۇشىنشى ونكۇندىكتەرىندە اۋا تەمپەراتۋراسى قۇبىلمالى بولادى دەپ كۇتىلەدى.

ەلىمىزدىڭ سولتۇستىك جارتىسىندا تۇنگى تەمپەراتۋرا 1−…13− گرادۋس- تان 3−…5+ گرادۋس- قا دەيىن، كۇندىز 1+…10+ گرادۋس- تان 0…8− گرادۋس- قا دەيىن اۋىتقۋى مۇمكىن.

وڭتۇستىك جارتىسىندا تۇنگى تەمپەراتۋرا 0…5− گرادۋس- تان 2+…10+ گرادۋس- قا دەيىن، كۇندىز 0…5+ گرادۋس- تان 7+…15+ گرادۋس- قا دەيىن قۇبىلادى دەپ بولجانۋدا.

سونىمەن قاتار جەكەلەگەن كۇندەرى ەلدىڭ سولتۇستىگىندە، شىعىسىندا جانە ورتالىعىندا تۇنگى اۋا تەمپەراتۋراسى 10−…18− گرادۋس- قا دەيىن تومەندەۋى ىقتيمال.

جاۋىن- شاشىن مولشەرى بويىنشا بولجام:

رەسپۋبليكانىڭ باسىم بولىگىندە كليماتتىق نورما شاماسىندا؛

نورمادان جوعارى: سولتۇستىكتە، سولتۇستىك- باتىستىڭ سولتۇستىك بولىگىندە جانە شىعىستا (سولتۇستىك قازاقستان، شىعىس قازاقستان وبلىستارىندا، پاۆلودار وبلىسىنىڭ باسىم بولىگىندە، باتىس قازاقستان، قوستاناي جانە اقمولا وبلىستارىنىڭ سولتۇستىك جارتىسىندا، اقتوبە وبلىسىنىڭ سولتۇستىگىندە، اباي وبلىسىنىڭ سولتۇستىك- شىعىسى مەن وڭتۇستىك- شىعىسىندا) ، سونداي- اق الماتى وبلىسىنىڭ وڭتۇستىك- شىعىس جارتىسىندا جانە جەتىسۋ وبلىسىندا.

كونسۋلتاتيۆتىك ماۋسىمدىق بولجامعا سايكەس، 2026- 2027 -جىلدارداعى قىس سالىستىرمالى تۇردە جىلى، اتموسفەرالىق جاۋىن- شاشىن مولشەرى ورتاشا بولادى دەپ كۇتىلەدى. سونىمەن قاتار ەلدىڭ سولتۇستىك- باتىسىنىڭ، سولتۇستىگىنىڭ، سولتۇستىك- شىعىسىنىڭ جەكەلەگەن اۋداندارىندا جانە ورتالىق قازاقستاندا جاۋىن- شاشىن مولشەرى كليماتتىق نورمادان جوعارى بولۋى مۇمكىن.

رەسپۋبليكا اۋماعىنىڭ كەي جەرلەرىندە بۇرقاسىن، جەلدىڭ ەكپىندى سوعۋى بولجانادى. سونداي- اق كوكتايعاق قۇبىلىستارى مەن تۇمان بولۋى ىقتيمال. قىس بويى اۋا تەمپەراتۋراسىنىڭ كۇرت قۇبىلۋى دا بولجانىپ وتىر. بۇل قار جامىلعىسىنىڭ ىشىندە مۇز قاباتىنىڭ تۇزىلۋىنە ىقپال ەتۋى مۇمكىن.

جەلتوقسان

جەلتوقسان ايىندا رەسپۋبليكانىڭ بۇكىل اۋماعىندا ورتاشا اۋا تەمپەراتۋراسى كليماتتىق نورمادان 2 گرادۋس جوعارى بولادى دەپ كۇتىلەدى.

جاۋىن- شاشىن مولشەرى بويىنشا بولجام:

رەسپۋبليكانىڭ باسىم بولىگىندە كليماتتىق نورما شاماسىندا؛

نورمادان جوعارى: سولتۇستىكتە، سولتۇستىك- باتىس پەن سولتۇستىك- شىعىستىڭ سولتۇستىك بولىگىندە (سولتۇستىك قازاقستان وبلىسىندا، پاۆلودار وبلىسىنىڭ باسىم بولىگىندە، قوستاناي جانە اقمولا وبلىستارىنىڭ سولتۇستىك جارتىسىندا، باتىس قازاقستان جانە اقتوبە وبلىستارىنىڭ سولتۇستىگىندە، اباي جانە شىعىس قازاقستان وبلىستارىندا)؛

نورمادان تومەن: قىزىلوردا وبلىسىنىڭ وڭتۇستىگىندە.

قاڭتار

قاڭتار ايىندا رەسپۋبليكانىڭ باسىم بولىگىندە ورتاشا اۋا تەمپەراتۋراسى كليماتتىق نورمادان 1- 2 گرادۋس جوعارى بولادى دەپ كۇتىلەدى.

ەلىمىزدىڭ سولتۇستىك- باتىس جارتىسىندا، اتاپ ايتقاندا باتىس قازاقستان وبلىسىندا، اتىراۋ، اقتوبە، قوستاناي جانە سولتۇستىك قازاقستان وبلىستارىنىڭ باسىم بولىگىندە، سونداي-اق اقمولا وبلىسىنىڭ سولتۇستىك- باتىس جارتىسىندا اۋا تەمپەراتۋراسى كليماتتىق نورما شاماسىندا بولادى دەپ بولجانۋدا.

جاۋىن- شاشىن مولشەرى بويىنشا بولجام:

رەسپۋبليكانىڭ باسىم بولىگىندە كليماتتىق نورما شاماسىندا؛

نورمادان جوعارى: باتىس قازاقستان وبلىسىنىڭ وڭتۇستىك- باتىسىندا، اتىراۋ وبلىسىنىڭ باتىسىندا جانە ماڭعىستاۋ وبلىسىندا؛

نورمادان تومەن: قىزىلوردا وبلىسىنىڭ وڭتۇستىك- شىعىس جارتىسىندا، ۇلىتاۋ وبلىسىنىڭ قيىر وڭتۇستىك- شىعىسىندا، قاراعاندى جانە اباي وبلىستارىنىڭ قيىر وڭتۇستىگىندە، تۇركىستان، جامبىل، الماتى جانە جەتىسۋ وبلىستارىنىڭ سولتۇستىك جارتىسىندا.

اقپان

اقپان ايىندا ورتاشا اۋا تەمپەراتۋراسى:

كليماتتىق نورمادان 1- 3 گرادۋس جوعارى: رەسپۋبليكانىڭ باسىم بولىگىندە؛

كليماتتىق نورما شاماسىندا: رەسپۋبليكانىڭ سولتۇستىگى مەن شىعىسىندا (سولتۇستىك قازاقستان جانە شىعىس قازاقستان وبلىستارىندا، پاۆلودار وبلىسىنىڭ باسىم بولىگىندە، اباي وبلىسىنىڭ سولتۇستىك- شىعىس جارتىسىندا، قوستاناي جانە اقمولا وبلىستارىنىڭ سولتۇستىگىندە) .

جاۋىن-شاشىن مولشەرى بويىنشا بولجام:

رەسپۋبليكانىڭ باسىم بولىگىندە نورمادان جوعارى؛

كليماتتىق نورما شاماسىندا: ەلدىڭ باتىس جارتىسىندا (باتىس قازاقستان، اتىراۋ جانە تۇركىستان وبلىستارىندا، اقتوبە، ماڭعىستاۋ، قوستاناي جانە قىزىلوردا وبلىستارىنىڭ باسىم بولىگىندە، ۇلىتاۋ وبلىسىندا، اقمولا وبلىسىنىڭ قيىر وڭتۇستىك- باتىسىندا، قاراعاندى جانە جامبىل وبلىستارىنىڭ قيىر باتىسىندا)؛

نورمادان تومەن: ماڭعىستاۋ وبلىسىنىڭ وڭتۇستىك- شىعىس جارتىسىندا، اقتوبە وبلىسىنىڭ وڭتۇستىگىندە جانە قىزىلوردا وبلىسىنىڭ وڭتۇستىك- باتىسىندا.