كەيىنگى ەكى جىلدا بانكتەردە 14,6 ميلليارد تەڭگەگە جالعان نەسيە بەرىلگەن - دەپۋتات

ەكى جىلدا بانكتەردە 14,6 ميلليارد تەڭگەگە 7,8 مىڭ جالعان نەسيە راسىمدەلگەن. بۇل تۋرالى پارلامەنت ماجىلىسىندە كرەديت بەرۋ كەزىندە تاۋەكەلدەردى ازايتۋعا ارنالعان زاڭ جوباسىنىڭ تانىستىرىلىمىندا دەپۋتات ءمادي تاكيەۆ ايتتى، دەپ حابارلايدى Kazinform.

«وسى زاڭ جوباسى اياسىن كرەديت بويىنشا الاياقتىققا توسقاۋىل قويۋ تەتىكتەرى قاراستىرىلعان. قارجىلىق الاياقتىقپەن بايلانىستى قىلمىستاردىڭ سانى ءوستى. كەيىنگى ەكى جىلدا بانكتەردە 14,6 ميلليارد تەڭگەگە 7,8 مىڭ جالعان نەسيە راسىمدەلگەن. سونىمەن بىرگە، زاڭسىز نەسيەلەردىڭ 6,5 مىڭعا جۋىعى نەمەسە 82 پايىزى الاياقتاردىڭ ىقپالىمەن بانكتىك موبيلدى قوسىمشالار ارقىلى بەرىلگەن»، - دەدى م. تاكييەۆ.

ءماجىلىس قاراۋىنا ەنگىزىلگەن وسى زاڭ جوباسىندا كرەديت الۋدان الدىن الا جانە رەسمي تۇردە باس تارتقان قازاقستاندىقتاردى الاياقتار راسىمدەگەن قارىزدان بوساتۋ تۋرالى نورما قامتىلعان.

«ادامدار كرەديت الۋعا ءوتىنىم بەرمەسە دە، ونىڭ اتىنا بوتەن بىرەۋ نەسيە راسىمدەپ جاتقان وقيعالار كەزدەسىپ جاتادى. كەيىن وسى ادام شىن مانىندە كرەديت قاراجاتىن الماعانىن دالەلدەپ اۋرەگە تۇسەتىن. ياعني، نەسيە الۋ ءۇشىن بانك عيماراتىنا دا بارماعانىن ايتىپ جاتادى. قازىر ۇسىنىلىپ جاتقان زاڭ جوباسىندا ارنايى تارماق ەنگىزىلۋدە. ونىڭ اياسىندا ادامدار eGov.kz جۇيەسى ارقىلى نەسيە راسىمدەۋدەن الدىن الا باس تارتا الادى»، - دەدى دەپۋتات بەرىك بەيسەنعاليەۆ.

ءماجىلىس دەپۋتاتىنىڭ سوزىنە قاراعاندا، ەگەر ادامدار كرەديتتەن رەسمي تۇردە باس تارتسا، وندا بۇل ادام الاياقتاردىڭ تۇزاعىنا تۇسپەيدى.

اۆتور

رۋسلان عابباسوۆ