كىتاپ وقىمايتىن ادامنىڭ سوزدىك قورى از

استانا. قازاقپارات - كىتاپ وقىماعاننان كەيىن كوپتەگەن جاستاردىڭ سوزدىك قورى از، سويلەۋ مانەرى تومەن. ءماجىلىس دەپۋتاتى تاڭساۋلە سەرىكوۆ ساپالى ءبىلىم مەن قازاقشا كىتاپ جازۋ ماسەلەلەرىن ىلگەرىلەتۋ تۋرالى دەپۋتاتتىق ساۋال جولدادى.

دەپۋتاتتىڭ پىكىرىنشە كىتاپحانالارداعى كىتاپ قورىندا كوپتەگەن دۇنيە بار، سونى الىپ وقيتىندار قاتارى وكىنىشكە وراي از. تاڭساۋلە سەرىكوۆ وسى سالاداعى جاعدايدى جاقسارتۋعا جانە قازاقستاندىقتاردىڭ رۋحاني قۇندىلىقتارىن ساقتاۋعا مۇمكىندىك بەرەتىن ءبىرقاتار ۇسىنىس ايتتى.

تاڭساۋلە سەرىكوۆ، ق ر پارلامەنتى ءماجىلىسىنىڭ دەپۋتاتى:

- سالانى جەتىلدىرۋ ءۇشىن باسقادا اۋقىمدى شارالاردى قولعا الۋ قاجەت. جاستاردىڭ شىعارماشىلىقپەن اينالىسىپ بىلىممەن ۇشتاسا تولىق مۇمكىندىك بەرىلۋى قاجەت. جوعارىدا ايتىلعاندارعا وراي ۇسىنامىن: وقۋ ورىندارىندا مەملەكەتتىك دەڭگەيدە كىتاپ وقۋعا قىزىعۋشىلىقتى ارتتىرۋعا ارنالعان ارنايى باعدارلاما جاساۋ. ەلىمىزدە مەملەكەتتىك دەڭگەيدە ارنايى كىتاپ كۇنىن بەلگىلەۋ. كىتاپحاناشىلار مارتەبەسىن ارتتىرىپ ءتۇرلى ءىس-شارالاردى ۇيىمداستىرۋ جانە مەكتەپ، كوللەدج، ۋنيۆەرسيتەتتەردە كىتاپ وقۋ مادەنيەتىن قامتاماسىز ەتۋ قاجەت.

24.kz