ۇكىمەت «قارمەت» كومپانياسىنىڭ جابدىقتارىن جاڭارتۋعا 1,3 ميلليارد دوللار بولەدى
ۇكىمەتتە ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن كەڭەستە Qarmet كومپانياسىنىڭ اعىمداعى جۇمىسى مەن كاسىپورىندى ودان ءارى دامىتۋدىڭ وزەكتى ماسەلەلەرى قارالدى، دەپ حابارلايدى primeminister.kz.
ورتالىق مەملەكەتتىك ورگانداردىڭ ءبىرىنشى باسشىلارى جانە جاڭا ينۆەستوردىڭ قاتىسۋىمەن كاسىپورىننىڭ وپەراتسيالىق پروتسەستەرىن تۇراقتاندىرۋ، ونى قاجەتتى شيكىزاتپەن قامتاماسىز ەتۋ، سونداي- اق ءبىرقاتار قۇقىقتىق راسىمدەردى جۇرگىزۋ شارالارى تالقىلاندى.
ودان بولەك، كومبينات جابدىقتارىن جاڭعىرتۋدى، زاماناۋي ءوندىرىس تەحنولوگيالارىن ەنگىزۋدى جانە ونەركاسىپتىك قاۋىپسىزدىك ستاندارتتارىن ارتتىرۋدى كوزدەيتىن ينۆەستيتسيالىق باعدارلامانى ىسكە اسىرۋ ماسەلەسى قارالدى.
اتاپ ايتقاندا، ءبىرىنشى كەزەڭدە وسى ماقساتقا شامامەن $1,3 ميلليارد بولىنەدى.
پرەمەر-مينيستر كاسىپورىن جۇمىسشىلارى الدىنداعى بارلىق مىندەتتەمەلەردى ۋاقتىلى ورىنداۋ قاجەتتىگىن اتاپ ءوتتى.
ۇكىمەت باسشىسى وسىعان وراي، ءوندىرىستى ودان ءارى سەرپىندى دامىتۋدىڭ، شىعارىلاتىن ءونىم كولەمىن ۇلعايتۋدىڭ جانە انىقتالعان ەكولوگيالىق زاڭناما تالاپتارىن بۇزۋشىلىقتاردى كەزەڭ-كەزەڭىمەن جويۋدىڭ ماڭىزدىلىعىن اتاپ ءوتتى.
تالقىلاۋ قورىتىندىسى بويىنشا ءاليحان سمايىلوۆ ورتالىق مەملەكەتتىك ورگاندارعا اعىمداعى ماسەلەلەردى شەشۋدە كاسىپورىنعا قاجەتتى قولداۋ كورسەتۋدى جانە ينۆەستورمەن بىرلەسىپ، Qarmet- ءتى دامىتۋدىڭ ءاربىر باعىتى بويىنشا ناقتى ءىس-قيمىل جوسپارىن ازىرلەۋدى تاپسىردى.
اۆتور
جانات قاپالبايەۆا
