ۇكىمەت مەملەكەت باسشىسىنىڭ اۋقىمدى ينفراقۇرىلىمدىق باستامالارىن ىسكە اسىرۋعا كىرىستى
استانا. KAZINFORM - قازاقستان پرەمەر-ءمينيسترى ولجاس بەكتەنوۆ بيىلعى 15-ناۋرىزدا وتكەن «ادال ادام - ادال ەڭبەك - ادال تابىس» اتتى ۇلتتىق قۇرىلتايدىڭ ءۇشىنشى وتىرىسىندا مەملەكەت باسشىسى قاسىم-جومارت توقايەۆتىڭ ەلىمىزدە ءومىر ءسۇرۋ ساپاسىن جاقسارتۋ جونىندەگى تاپسىرمالارىن ورىنداۋ بويىنشا كەڭەس وتكىزدى.
ق ر ۇكىمەتىنىڭ حابارلاۋىنشا، پرەزيدەنت تۇرعىن ءۇي-كوممۋنالدىق ينفراقۇرىلىمىن جوندەۋ جانە جاڭعىرتۋ ماسەلەسى بويىنشا قولدانىستاعى 55 جىلۋ كوزىن جوندەۋدى جانە كەمىندە 6,5 مىڭ شاقىرىم ينجەنەرلىك جەلىلەردى جاڭعىرتۋدى تاپسىردى. بۇل ماقساتتارعا 650 ميلليارد تەڭگە ينۆەستيتسيا تارتىلاتىن بولادى.
ازاماتتاردىڭ باسپانالى بولۋىن قامتاماسىز ەتۋ بويىنشا قويىلعان مىندەتتەردى شەشۋ ءۇشىن ۇكىمەت كەزەكتە تۇرعاندار، ونىڭ ىشىندە حالىقتىڭ الەۋمەتتىك وسال ساناتتارى ءۇشىن ساتىپ الۋ قۇقىعىمەن جالعا بەرىلەتىن تۇرعىن ءۇي كولەمىن 4 ەسە ۇلعايتۋدى جوسپارلاپ وتىر. ول ءۇشىن قوسىمشا 272 ميلليارد تەڭگە بولىنەدى. مەملەكەت باسشىسىنىڭ تاپسىرماسى بويىنشا وتباسى بانكىمەن بىرلەسىپ، 300 ميلليارد تەڭگە سوماسىنا يپوتەكالىق قارىزدار بەرەتىن جاڭا باعدارلاما ىسكە قوسىلادى. جاڭا باعدارلاماعا جۇمىس ىستەيتىن جاستار، جاس وتباسىلار، تۇرعىن ءۇي تولەمدەرىن الۋشىلار، بانك سالىمشىلارى، مونوقالالاردىڭ، اۋدان ورتالىقتارى مەن اۋىلدىق ەلدى مەكەندەردىڭ تۇرعىندارى، ونىڭ ىشىندە اقشا جيناۋ بويىنشا مىندەتتەمەسى جوق تۇرعىن ءۇي كەزەگىندە تۇرعاندار قاتىسا الادى.
ءبىرىنشى جىلى جاڭا باعدارلاما ەسەبىنەن قوسىمشا 12 مىڭ مۇقتاج وتباسىن باسپانامەن قامتاماسىز ەتۋ جوسپارلانىپ وتىر. جالپى بيىل رەكوردتىق 18 ميلليون شارشى مەتر تۇرعىن ءۇي سالىنادى، بۇل سونداي-اق جاڭا جۇمىس ورىندارىن قۇرۋعا مۇمكىندىك بەرەدى. بۇل بۇرىنعى جوسپارلانعان جىلدىق كورسەتكىشتەن 2,5 ميلليون شارشى مەترگە ارتىق.
ەلىمىزدىڭ جول جەلىسىن دامىتۋ بويىنشا پرەزيدەنت ايتقان 12 مىڭ شاقىرىم اۆتوموبيل جولدارىن رەتتەۋ ءۇشىن ۇكىمەت اعىمداعى جۇمىستاردان بولەك، قوسىمشا 2,5 مىڭ شاقىرىم جولدى جوندەۋ جۇمىستارىن جوسپارلاپ وتىر. بۇل ماقساتتاردى ىسكە اسىرۋ ءۇشىن شامامەن 1 تريلليون تەڭگە ينۆەستيتسيا باعىتتالاتىن بولادى. بۇل جاي-كۇيى جاقسى جانە قاناعاتتانارلىق رەسپۋبليكالىق جولداردىڭ ۇلەسىن %93- عا دەيىن ارتتىرۋعا، سونداي-اق 24 مىڭ جاڭا ۋاقىتشا جانە تۇراقتى جۇمىس ورنىن قۇرۋعا مۇمكىندىك بەرەدى.
ەلدى مەكەندەردى گازداندىرۋ دەڭگەيىن ارتتىرۋ ماقساتىندا مەملەكەت باسشىسى كەمىندە 1,7 مىڭ شاقىرىم جەلىنى جاڭعىرتۋ مىندەتىن قويدى. بۇل 300 مىڭنان استام ازاماتقا كوگىلدىر وتىندى قولجەتىمدى ەتەدى. وسىعان بايلانىستى ۇكىمەت بيىل جوسپارلانعان 46 ەلدى مەكەننىڭ ورنىنا 87 ەلدى مەكەندى گازداندىرماق. وسىلايشا، جەدەلدەتىلگەن شارالاردىڭ ارقاسىندا 63 مىڭنان استام حالقى بار قوسىمشا 41 ەلدى مەكەن گازداندىرىلادى، ياعني قامتۋ دەڭگەيى 2 ەسەگە ۇلعايادى. بۇل ماقساتتارعا 195 ميلليارد تەڭگە بولىنەتىن بولادى.
ۇكىمەت باسشىسى بيىل 1-ساۋىرگە دەيىنگى مەرزىمدە جوبالاردى قارجىلاندىرۋ كەستەسىن ۋاقتىلى ۇسىنۋدى تاپسىردى. كەستە سونداي-اق جوبالاردىڭ ءارى قاراي ىسكە اسىرىلۋىن باقىلاۋدى دا كوزدەيتىن بولادى.
«ءبىز پرەزيدەنتتىڭ اۋقىمدى ينفراقۇرىلىمدىق باستامالارىنىڭ ۋاقتىلى ىسكە اسىرىلۋىن قامتاماسىز ەتۋگە ءتيىسپىز. ءاربىر مينيسترگە جانە اكىمگە، ۇلتتىق كومپانيالاردىڭ باسشىلىعىنا جۇمىستى كۇندەلىكتى باقىلاۋعا الۋدى تاپسىرامىن. تۇرعىندار ناقتى وزگەرىستەردى كورۋى قاجەت. تولىق قايتارىممەن جۇمىس ىستەۋ جانە جوعارى ناتيجە تيىمدىلىكتىڭ كورسەتكىشى بولماق»، - دەدى ولجاس بەكتەنوۆ.
سونىمەن قاتار كەڭەستە وڭدەۋ ونەركاسىبىن، ترانزيتتىك دالىزدەردى، كاسىپكەرلىكتى جانە IT- تەحنولوگيالاردى ودان ءارى دامىتۋ جونىندەگى شارالار قارالدى. نەگىزگى مىندەت - جاڭا جۇمىس ورىندارى، وزىق تەحنولوگيالار مەن قۇزىرەتتەر ترانسفەرتى، ءىرى وندىرىستەردى لوكاليزاتسيالاۋ، جوعارى دەڭگەيدە وڭدەلگەن ءونىم شىعاراتىن كلاستەر قۇرۋ جانە ت. ب. تۇرىندەگى مۋلتيپليكاتيۆتىك اسەر بەرەتىن جاڭا ينۆەستيتسيالىق جوبالار.
بيىل جوسپارلانعان كەمىندە 70 جوبا پايدالانۋعا بەرىلمەك. وڭدەۋ ونەركاسىبىن دامىتۋ ماقساتىندا وتاندىق كاسىپورىنداردىڭ جۇكتەمەسىن ورتا ەسەپپەن %-65- عا دەيىن ارتتىرۋ بويىنشا قوسىمشا ءىس-شارالار ازىرلەنەتىن بولادى.
ترانزيتتىك دالىزدەردى دامىتۋ جانە كولىكتىڭ بارلىق تۇرىمەن جۇك تاسىمالداۋ كولەمىن ۇلعايتۋ ءۇشىن جاڭا تەمىرجولداردىڭ، لوگيستيكالىق ورتالىقتار مەن قويمالاردىڭ قۇرىلىسى جالعاساتىن بولادى. ماسەلەن، جۇكتەردى تەمىرجول كولىگىمەن تاسىمالداۋ كولەمىن 450 ميلليون تونناعا دەيىن، اۆتوموبيل كولىگىمەن تاسىمالداۋ كولەمىن 316 ميلليون تونناعا دەيىن، سونداي-اق ترانزيتتىك تاسىمالداردى 30 ميلليون تونناعا دەيىن، ونىڭ ىشىندە ترانسكاسپي حالىقارالىق كولىك باعىتى بويىنشا جۇكتەردى تاسىمالداۋ كولەمىن 4,2 ميلليون تونناعا جەتكىزۋ جوسپارلانىپ وتىر.
ۇكىمەت وتاندىق بيزنەستى قولداۋدى جالعاستىرادى. ا و ك دامىتۋعا قوسىمشا 240 ميلليارد تەڭگە باعىتتالاتىن بولادى. شوب جوبالارىن سۋبسيديالاۋعا 320 ميلليارد تەڭگەگە دەيىن باعىتتالادى. ينۆەستورلار تارتۋ ماقساتىندا 12 ارنايى ەكونوميكالىق جانە يندۋستريالىق ايماق قاجەتتى ينفراقۇرىلىممەن قامتتۋ جوسپارلانعان. بۇل ماقساتتارعا 160 ميلليارد تەڭگە باعىتتالادى. سونداي-اق «ونەركاسىپتىك يپوتەكا» تەتىگى بويىنشا جالپى سوماسى 30 ميلليارد تەڭگەگە 8 جاڭا شاعىن ونەركاسىپتىك ايماقتىڭ قۇرىلىسى جەدەلدەتىلەتىن بولادى.
اقپارات جانە بايلانىس قىزمەتتەرى سالاسىندا كەمىندە %10 دەڭگەيىنەن كەم ەمەس ءوسىم كۇتىلەدى جانە ول IT- قىزمەتتەر ەكسپورتىن $600 ميلليونعا دەيىن ۇلعايتۋ ەسەبىنەن قامتاماسىز ەتىلەتىن بولادى.
اۆتور
ايدار وسپاناليەۆ
