ۇكىمەت دەنساۋلىق ساقتاۋ ينفراقۇرىلىمىن دامىتۋ تۇجىرىمداماسىن قابىلدادى

استانا. KAZINFORM - بۇگىن ۇكىمەت وتىرىسىندا ق ر دەنساۋلىق ساقتاۋ ينفراقۇرىلىمىن دامىتۋدىڭ 2030 -جىلعا دەيىنگى تۇجىرىمداماسى قابىلداندى.

К концу 2025 года обеспечить 100% доступ населения к качественной питьевой воде поручил Олжас Бектенов
Фото: Виктор Федюнин/ Kazinform

«پرەزيدەنتتىڭ قولداۋى ارقاسىندا، سوڭعى 5 جىلدا 400-دەن استام دەنساۋلىق ساقتاۋ نىسانى سالىندى. 261 ميلليارد تەڭگەدەن استام سوماعا مەديتسينالىق جابدىق ساتىپ الىندى. قازىردىڭ وزىندە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋىلدىق ەلدى مەكەندەردە جاڭا وبەكتىلەر سالۋ جۇمىستارى جۇرگىزىلۋدە. جىل سوڭىنا دەيىن 556 نىسان سالىنادى. دەگەنمەن ءالى دە كوپ نارسە ىستەلۋ كەرەك. اۋرۋحانالاردىڭ، ەمحانالاردىڭ، ۋنيۆەرسيتەتتەردىڭ ماتەريالدىق-تەحنيكالىق بازاسىن جاقسارتاتىن بولامىز»، - دەپ اتاپ ءوتتى پرەمەر-مينيستر ولجاس بەكتەنوۆ.

ونىڭ اتاپ وتۋىنشە، بۇل پاتسيەنتتەر مەن پەرسونال ءۇشىن قاجەتتى جاعداي جاساۋعا جانە ەمدەۋدىڭ جاڭا تەحنولوگيالارى مەن ادىستەمەلەرىن دامىتۋعا مۇمكىندىك بەرەدى.

«وسىعان وراي بۇكىل دەنساۋلىق ساقتاۋ سالاسىنىڭ ينفراقۇرىلىمىن جاڭارتۋدى، جاڭا تەحنيكامەن جاراقتاندىرۋدى ءارى مەديتسينا كادرلارىن دايارلاۋدى كوزدەيتىن ۇزاق مەرزىمدى تۇجىرىمداما قاجەت. بۇگىن مينيسترلىك ۇسىنعان تۇجىرىمداما جوباسىندا دەنساۋلىق ساقتاۋ ينفراقۇرىلىمىن ودان ءارى دامىتۋدىڭ تۇتاستاي كوزقاراسى قالىپتاستىرىلعان. سونداي- اق، اۋىلدارعا عانا قاتىسى بار ۇلتتىق جوبادان باسقا، جاڭا، نەگىزگى دەنساۋلىق ساقتاۋ وبەكتىلەرىن سالۋدىڭ تىزبەسى ايقىندالعان. بۇل بالالار ونكولوگياسى مەن گەماتولوگياسى ۇلتتىق ورتالىعى، بالالار كارديوحيرۋرگياسى ورتالىعى، وڭىرلەردەگى ۋنيۆەرسيتەتتىك كوپ بەيىندى اۋرۋحانالار»، - دەدى ول.

ۇكىمەت باسشىسى اتالعان نىسانداردىڭ تاياۋ ارادا سالىناتىندىعىن ايتتى.

«اتالعان نىسانداردى سالۋ كەزىندە قۇرىلىس ماتەريالدارىن، جيھازدار مەن جابدىقتاردى شىعاراتىن وتاندىق وندىرۋشىلەردى بارىنشا تارتۋ قاجەت. بۇل وڭىرلەردىڭ ەكونوميكاسىنا دا وڭ اسەرىن ەتەتىندىگى ءسوزسىز»، - دەدى ولجاس بەكتەنوۆ.

وسىدان كەيىن ۇكىمەت مۇشەلەرى ءتيىستى قاۋلىعا داۋىس بەرىپ، تۇجىرىمداما جوباسى قولداۋ تاپتى.

اۆتور

مارلان جيەمباي

سوڭعى جاڭالىقتار