ەكى ايدا 155 مىڭ قازاقستاندىق وزبەكستانعا ساياحاتتاپ بارعان

تاشكەنت. KAZINFORM - بيىلعى ەكى ايدا وزبەكستانعا 150 مىڭنان استام قازاقستاندىق تۋريست بارعان، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.

وزبەكستان ستاتيستيكا اگەنتتىگىنىڭ مالىمەتىنشە، 2024-جىلدىڭ قاڭتار-اقپان ارالىعىندا بۇل ەلگە تۋريستىك ماقساتتا 974,2 مىڭ شەتەلدىك ازامات كەلگەن.

وتكەن جىلدىڭ سايكەس كەزەڭىمەن سالىستىرعاندا ساياحاتشىلار سانى %11,9- عا كوپ.

بۇل رەتتە وزبەكستانعا كەلگەن تۋريستەر كوشىن تاجىكستان (363,4 مىڭ تۋريست) باستاپ تۇر.

ودان كەيىنگى ورىندارعا 291,1 مىڭ تۋريستپەن قىرعىزستان جانە 155,9 مىڭ ساياحاتشىمەن قازاقستان جايعاسقان.

ەسكە سالايىق، بىلتىر 1,2 ميلليون قازاقستاندىق وزبەكستانعا تۋىسقاندارىمەن كورىسۋ ءۇشىن بارعان.

اۆتور

ءاليحان اسقار