كورەيلىك «حانزادا جۋمونگ» تەلەحيكاياسىنىڭ جۇلدىزى استاناعا كەلدى
استانا. KAZINFORM - كورەيلىك ءارتىس سون يل گۋك قازاقستاندىق كينوسۇيەر قاۋىمعا «حانزادا جۋمونگ» تەلەحيكاياسى ارقىلى جاقسى تانىس.

«قازاقستاندا «حانزادا جۋمونگتىڭ» تانىمالدىلىعىنىڭ ارقاسىندا مەن وسىندا بولۋ قۇرمەتىنە يە بولدىم. قازىر سىزدەردى كورەي حالقىنىڭ كلاسسيكالىق- مۋزىكالىق قويىلىمى كۇتىپ تۇر. ك- دراماسىنان اسىپ تۇسەتىن ك - كلاسسيكاسىنا سۇيسىنەسىزدەر دەگەن ۇمىتتەمىز»، - دەدى سون يل گۋك ەلوردادا قازاقستان جانە كورەي رەسپۋبليكاسى پرەزيدەنتتەرىنىڭ قاتىسۋىمەن وتكەن گالا- كونسەرتتە.
سونداي-اق، كورەيلىك ءارتىس پرەزيدەنتتەردىڭ قۇرمەتىنە ارنالعان گالا-كونسەرتتى جۇرگىزدى.

ەسكە سالا كەتسەك، «حانزادا جۋمونگ» تەلەحيكاياسى ارقىلى جاقسى تانىس ءارتىس سون يل گۋك بۇعان دەيىن 2011 -جىلى قازاقستاندا بولىپ، Kazinform اگەنتتىگىنە ارنايى سۇحبات بەرگەن ەدى.
ايتا كەتەيىك، پرەزيدەنتتەر قازاقستان مەن كورەيا ونەرپازدارىنىڭ گالا-كونسەرتىن تاماشالادى.
اۆتور
داۋلەت ىزتىلەۋ