كورەيانىڭ قورعانىس ءمينيسترى قىزمەتىنەن بوساتىلدى
استانا. قازاقپارات - وڭتۇستىك كورەيا پرەزيدەنتى يۋن سوك يەل قورعانىس ءمينيسترى كيم يەن حيەننىڭ قىزمەتىنەن باس تارتۋ تۋرالى ءوتىنىشىن قابىلداپ، جۇمىستان بوساتتى.
ونىڭ ورنىنا ساۋد ارابياسىنداعى وسى ەلدىڭ ەلشىسى چحۆە بەن حەكا تاعايىندالدى. بۇل تۋرالى «ريەنحاپ» اگەنتتىگى حابارلادى.
سوڭعى اقپارعا قاراعاندا تاعى پرەزيدەنت اكىمشىلىگىنىڭ باسشىسى، ساياسي ماسەلەلەر جونىندەگى شتاب باستىعى مەن 7 اعا كومەكشىسى وسىنداي ءوتىنىم بىلدىرگەن.
ەسكە سالايىن، 3-جەلتوقساندا وڭتۇستىك كورەيا پرەزيدەنتى كۇتپەگەن جەردەن ەلدە اسكەري جاعداي ەنگىزدى. ساياساتكەر بۇل شەشىمدى سولتۇستىك كورەيا تاراپىنان تونگەن قاۋىپپەن بايلانىستىردى. ءبىراق بىرنەشە ساعاتتان كەيىن اسكەري جاعداي زاڭدى كۇشىن جويدى.
