كورەيا گەولوگتارى قازاقستاننان ليتيدىڭ ءىرى كەن ورنىن تاپتى
استانا. قازاقپارات - كورەي گەولوگتارى قازاقستاندا ليتيدىڭ ءىرى كەن ورنىن تاپتى. ماماندار ونى يگەرۋدى جالعاستىرعىسى كەلەدى.
مۇنى كورەيانىڭ گەوعىلىمدار جانە مينەرالدى رەسۋرستار ينستيتۋتى (KIGAM) مالىمدەدى. كەن ورنى شىعىس قازاقستاندا. ول جەردە بۇرىن تانتال وندىرىلگەن. ينستيتۋت بۇل جەر قويناۋىن قازاقستان ۇكىمەتىنىڭ سۇرانىسى بويىنشا زەرتتەگەن. KIGAM بۇل ايماقتا قۇنى 15 ميلليارد دوللاردان اساتىن ليتي قورى بار دەپ ەسەپتەيدى. كانادالىق اگەنتتىك جۇرگىزگەن تالداۋعا سايكەس، وسى ايماقتا تابىلعان ليتيدىڭ كەيبىر تۇرلەرىنىڭ قۇرامى %5,3-عا جەتتى. سالىستىراتىن بولساق، باتىس اۆستراليا شاحتاسىنداعى ليتي مولشەرى %2,1 قۇرايدى.
گەولوگياعا جاساندى ينتەللەكت ەنگىزىلەدى
كانادا، تورونتو ەلىمىزدە گەولوگيا سالاسىنا جاساندى ينتەللەكت ەنگىزىلەدى. قازاقستاننىڭ «ۇلتتىق گەولوگيالىق قىزمەتى» كانادالىق Koan Analytics Inc كومپانياسىمەن مەموراندۋمعا قول قويدى. كومپانيا ونەركاسىپتە قىزمەت ەتەتىن ۇيىمدارعا ينتەگراتسيالانعان شەشىمدەردى ۇسىنادى. ولار دەرەكتەردى تۇرلەندىرۋ، جىكتەۋ، ماشينالىق وقىتۋ مودەلدەرىن تاڭداۋ جانە الگوريتمدەردى ازىرلەۋ بويىنشا قىزمەت كورسەتەدى.
وسى ساپار اياسىندا قازاقستاندىق دەلەگاتسيا فينليانديانىڭ GTK گەولوگيالىق قىزمەتىمەن دە مەموراندۋم جاسادى. اتالمىش كاسىپورىن مينەرالدى- شيكىزات قورىن تالداۋعا، گەولوگيالىق ورتانى پايدالانۋ مەن قورعاۋدىڭ تۇراقتى ادىستەرىن جاساۋعا ماماندانعان. بۇل تۋرالى ونەركاسىپ جانە قۇرىلىس مينيسترلىگىنىڭ باسپا ءسوز قىزمەتى حابارلادى.
جەر قويناۋىن پايدالانۋدا 22 كەلىسىم بۇزىلدى
2023-جىلى جەر قويناۋىن پايدالانۋدا 22 كەلىسىم بۇزىلدى. 26 كەلىسىمشارت ءوندىرىپ الۋ ساتىسىندا. جەر قويناۋىن پايدالانۋشىلاردىڭ اتىنا 12 ميلليارد تەڭگە كولەمىندە ەسكەرتۋ بەرىلگەن. ونىڭ ۇشتەن ءبىر بولىگى وتەلدى. سونىمەن قاتار، وتكەن جىلى 30 كەن ورنى بارلاۋ كەزەڭىنەن وندىرۋگە اۋىستىرىلدى.
ۆەدومستۆو دەرەگىنە سايكەس، وندا 115 ميلليون توننادان استام مۇناي، 25 ميلليارد تەكشە مەتر گاز قورى بار. گەولوگيالىق بارلاۋعا قارجى تارتىلادى گەولوگيالىق بارلاۋ جۇمىستارىنا جىل سايىن قوسىمشا 200 ميلليارد تەڭگە تارتۋ جوسپارلانعان. بىلتىر سالانى ينۆەستيتسيالاۋدى ىنتالاندىراتىن نورمالار قابىلداندى. سونىڭ ءبىرى سارقىلاتىن كەن ورىندارىن ودان ءارى يگەرۋدى قامتيدى. وسى ارقىلى 2045-جىلعا قاراي مۇناي ءوندىرۋدى 60 ميلليون تونناعا دەيىن ۇلعايتپاق. قازاقستاندا بارلىعى 8 مىڭداي كەن ورنى تىركەلگەن. وندا پايدالى قازبالاردىڭ 100 دەن استام ءتۇرى بار.
www.24.kz
