ەكونوميكا مينيسترلىگى ۇلتتىق قورسىز بيۋدجەتتى قارجىلاندىرۋ مۇمكىن ەمەس ەكەنىن مويىندادى

استانا. KAZINFORM - ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ ەلىمىزدەگى تابيعي رەسۋرستاردى ءبولۋدىڭ ادىلدىگى تۋرالى تۇسىنىك بەردى.

«كەز كەلگەن ەكونوميكادا قوعامدىق ءال-اۋقاتتى قايتا ءبولۋ مەحانيزمى شامامەن ۇقساس كەلەدى، ول سالىق جۇيەسى ارقىلى جۇزەگە اسادى. مەملەكەت سالىق ارقىلى تابىستىڭ ءبىر بولىگىن كەيبىر سالالاردان كوبىرەك، كەيبىر سالالاردان ازداۋ الىپ، باسقا سالالارعا بولەدى. بۇل مەحانيزم ەلىمىزدە وتە جاقسى جۇمىس ىستەپ تۇر. سونىمەن قاتار قازاقستان ەكونوميكاسىنىڭ باسقا ەلدەردەن ايىرماشىلىعىنا توقتالساق، بىزدە تاۋ-كەن ونەركاسىبىنەن جانە مۇنايدان تۇسەتىن كىرىستەر جينالاتىن ۇلتتىق قورىمىز بار»، - دەدى ت. جاقسىلىقوۆ سەناتتا تىلشىلەر سۇراعىنا جاۋاپ بەرە وتىرىپ.

بۇل تۇرعىدا ول «ۇلتتىق قور-بالالارعا» باعدارلاماسىنا توقتالدى.

«بيىلدان باستاپ ءبىز كەن ورىندارىن پايدالانۋدان مەملەكەت الاتىن تابىسقا حالىقتىڭ، ياعني بالالاردىڭ قاتىسۋ تەتىگىن ەنگىزدىك. بالالارعا ارنالعان ۇلتتىق باعدارلاما ول ءوز جۇمىسىن باستادى، قازىر تەك العاشقى قادام جۇزەگە اسىرىلىپ جاتىر. سونىمەن قاتار ءبىز ۇلتتىق قورسىز بيۋدجەتتى قارجىلاندىرا المايمىز. سوندىقتان كىرىستىڭ ءبىر بولىگىن بيۋدجەتكە ترانسفەرت تۇرىندە الىپ وتىرامىز، سودان كەيىن بيۋدجەتتىك تەتىكتەر ارقىلى ەكونوميكاعا بولەمىز. جالپى، بىزدە بۇل تەتىكتەردىڭ بارلىعى جۇمىس ىستەپ تۇر. شىنىندا دا قازاقستاننىڭ تابيعي جەر قويناۋى ەكونوميكانى قولداۋعا باعىتتالعان»، - دەدى ۆيتسە- مينيستر.

اۆتور

رۋسلان عابباسوۆ