كونگو وزەنىندە كەمەدەگى ءورت سالدارىنان 150 گە جۋىق ادام قازا تاپتى

استانا. KAZINFORM - كونگو دەموكراتيالىق رەسپۋبليكاسىندا موتورلى اعاش قايىق ورتەنىپ، اپات سالدارىنان كەم دەگەندە 148 ادامنىڭ دەنەسى تابىلدى، دەپ حابارلايدى Reuters جەرگىلىكتى ب ا ق پەن شەنەۋنىكتەرگە سىلتەمە جاساپ. بۇل تۋرالى Kazinform حابارلايدى.

BBC اتاپ وتكەندەي، بۇعان دەيىن قازا تاپقاندار سانى 50 ادامعا جەتتى دەپ باعالانعان. حابارلامالارعا سايكەس، كەمە كونگو وزەنىندە اۋدارىلعان كەزدە وندا 500 گە جۋىق جولاۋشى، ونىڭ ىشىندە ايەلدەر مەن بالالار بولعان.

ەسكى اعاش كەمەلەر - كەنتتەر اراسىنداعى كولىكتىڭ نەگىزگى ءتۇرى جانە كوبىنەسە ولار سىيىمدىلىعىنان اساتىن جۇك تيەيدى، دەپ حابارلايدى Reuters.

HB Kongolo كەمەسى مبانداكا قالاسىنىڭ ماڭىندا ورتەندى. امان قالعان 100 گە جۋىق ادام جەرگىلىكتى راتۋشاداعى ۋاقىتشا باسپاناعا، ال كۇيىك شالعاندار اۋرۋحانالارعا جەتكىزىلدى، دەپ حابارلايدى Sky News.

وزەن كوميسسارىنىڭ Associated Press-كە حابارلاۋىنشا، ءورت كەمەدەگى ايەل تاماق ازىرلەپ جاتقان كەزدە باستالعان.