كولىگىن 5 مينۋتتان ارتىق قىزدىرعان پەتروپاۆلدىق ايىپپۇل تولەمەيتىن بولدى
استانا. KAZINFORM – س ق و پروكۋرورلارى كولىكتى 5 مينۋتتان ارتىق جىلىتقانى ءۇشىن سالىنعان ايىپپۇلدى الىپ تاستادى، دەپ حابارلايدى س ق و پروكۋراتۋراسى.

قاداعالاۋ ورگانى تالداۋ بارىسىندا ق ر اكىمشىلىك قۇقىق بۇزۋشىلىق تۋرالى كودەكس تالاپتارىنىڭ ورەسكەل بۇزىلعانىن انىقتادى.
ماسەلەن، پەتروپاۆل قالاسىندا پوليتسيا باسقارماسىنىڭ لاۋازىمدى ادامى وبلىس ورتالىعىنىڭ تۇرعىنىنا قاتىستى كودەكستىڭ 1-بولىگىنىڭ 597-بولىگىندە كوزدەلگەن اكىمشىلىك قۇقىق بۇزۋشىلىقتار تۋرالى حاتتاما جاسادى. بۇل كولىك قۇرالىن 5 مينۋتتان ارتىق جىلىتۋدا كورسەتىلگەن كولىك قۇرالىنىڭ تۇراق ەرەجەلەرىن بۇزۋ فاكتىسىنە قاتىستى حاتتاما.
- پوليتسيا قىزمەتكەرى اكىمشىلىك قۇقىق بۇزۋشىلىق تۋرالى ءىستى جۇرگىزۋ بارىسىندا حاتتاما جاساۋ كەزىندە پروتسەستىك بۇزۋشىلىقتارعا جول بەردى جانە قۇقىق بۇزۋشىنىڭ كىناسىنىڭ دالەلدەرىن تاپپادى. پەتروپاۆل قالاسى پروكۋرورىنىڭ نارازىلىعى بويىنشا پوليتسيا ورگاندارىنىڭ ارەكەتتەرى زاڭسىز دەپ تانىلدى، ا ق ب ت ك- ءنىڭ 597-بابى 1-بولىگى بويىنشا اكىمشىلىك قۇقىق بۇزۋشىلىق تۋرالى ءىس بويىنشا ءىس جۇرگىزۋ قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى، - دەلىنگەن حابارلامادا.
بۇعان دەيىن ەكولوگيا ءمينيسترى دالادا تاڭ اسىرعان كولىگىن 5 مينۋت ىشىندە قالاي قىزدىرعانىن كورسەتكەن بولاتىن.