كوكتەمدە ەلوردانى ەگەۋقۇيرىق قاپتاۋى مۇمكىن

استانا. قازاقپارات - كوكتەمدە ەلوردادا ەگەۋقۇيرىقتار قاپتاۋى مۇمكىن. كۇن جىلىنا سالىسىمەن شاھاردا كەمىرگىشتەر كوبەيەدى. استانانىڭ سانيتارلى- ەپەدەميولوگيالىق باقىلاۋ دەپارتامەنتى وسىلاي دابىل قاعىپ وتىر.

Көктемде Астанада егеурқұйрық қаптауы мүмкін
Фото: Pixabay.com

قازىردىڭ وزىندە بىرنەشە اۋداندا قاۋىپتى جاندىكتىڭ سانى ارتىپتى. كەمىرگىشتەردىڭ باس قالانى باسىپ الۋىنا نە سەبەپ؟ تازالىق شارالارى ءتيىستى دەڭگەيدە اتقارىلىپ جاتىر ما؟ كامشات مۇحامەدجان تۇرعىن ءۇي كەشەندەرىن ارالاپ، حالىقپەن تىلدەسىپ قايتتى.

كامشات مۇحامەدجان، ءتىلشى:

- مىناۋ باس قالانىڭ ءاپ-ادەمى كوركىن توقتاۋسىز تاراپ جاتقان كەمىرگىشتەر قۇرتىپ تۇرعانداي. استانانىڭ قازىر بەس بىردەي اۋدانىندا ەگەۋقۇيرىقتار كەزدەسەدى. قاۋىپتى جاندىك ءتىپتى، كوپقاباتتى تۇرعىن ءۇي كەشەندەرى مەن اشىق الاڭداردى ەمىن-ەركىن تۇراقتاعان.

بولپان شاياحمەتوۆا، قالا تۇرعىنى:

- مىنا گيپەرماركەتتىڭ ءبىزدىڭ ءۇيدىن جانىنا مۋسور تاستايدى. تۇرمىستىق قالدىقتار. وسىدان ەگەۋقۇيرىقتار كوبەيدى. ءبىر شەشىم شىعارۋ كەرەك. قازىر قىس، جازدىڭ كۇنى نە بولادى.

كامشات مۇحامەدجان، ءتىلشى:

- قوقىس توگىلەتىن اۋماق پەن ءۇيدىڭ اراسى 10 ادىمعا جەتەر جەتپەس. كۇن سۋىق، قىس كوزى قىراۋعا قاراماستان كەمىرگىشتەر بۇل ماڭعا ەمىن-ەركىن تۇراقتاعان. تۇرعىندار ەندى كۇن جىلىعاندا، الداعى جازدا جاعداي قالاي بولادى دەپ الاڭداۋلى.

ەلوردالىق كالينا ليحاتسسكايانىڭ كەمىرگىشتەردى زالالسىزداندىرۋمەن اينالىسقانىنا ءبىراز بولىپتى. قالاداعى ءدال قازىرگى جاعداي تىم كۇردەلى دەپ وتىر. ءوزى قىزمەت ەتەتىن كومپانياعا اپتاسىنا 100-دەن اسا شاقىرتۋ تۇسەدى. حابارلامانىڭ وسكەنى مامان تاپشىلىعىن تۋدىرىپتى. ەگەۋقۇيرىقتاردى زالالسىزداندىرۋ شارۋاسى دا وڭاي بولماي تۇرعان كورىنەدى. 1 جاندىكتى جايراتۋ ءۇشىن كەمىندە 4-5 قاقپان قۇرىلادى.

كالينا ليحاتسسكايا، كومپانيا مامانى:

- قازىرگى كورىپ جاتقان ەگەۋقۇيرىقتار وتە ۇلكەن. سالماعى دا، كولەمى دە ادام شوشىرلىق. شامامەن 40 س م دەيىن باراتىن شىعار. سول سەبەپتى قاقپانداردى كوبىرەك قويامىز. ۇلكەن عيمارات بولسا 600 داناسىن قويۋعا تۋرا كەلەدى. استانانىڭ قازىر سول جاعالاۋىندا كوپ. جاڭا ۇيلەردەن كوبىنە شاعىم تۇسەدى.

ەلوردالىقتاردىڭ ەگەۋقۇيرىقتارعا شاعىمى وتكەن جىلى دا كوپ بولىپتى. قالالىق جەدەل ارەكەت ەتۋ ورتالىعىنا 400-دەن استام ادام حابارلاسىپ ارىزىن ايتقان. ەسىل، نۇرا، سارى ارقا، الماتى، بايقوڭىر اۋداندارى زياندى جاندىكتىڭ زاردابىن كوپ تارتقان كورىنەدى. «ءبىراق بيىلعى جاعداي بىلتىرعىدان كۇردەلى»، - دەيدى سانيتاريالىق- ەپەدەميولوگيالىق باقىلاۋ دەپارتامەنتىنىڭ ماماندارى. بولجام بويىنشا، الداعى كوكتەمدە كەمىرگىشتەر سانى تىم كوبەيەدى ەكەن. وعان سەبەپ - بىلتىرعى سۋ تاسقىنى.

ايبارشا دۇيسەنباي قىزى - قالالىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باس مامانى:

- بىزدە كوبىنە ەسىل مەن نۇرا اۋدانىندا شاعىم كوپ تۇسەدى. نۇرا اۋدانىندا ۇلكەن جانە كىشى تالدىكول وتەدى. ەسىل اۋدانىندا وزەن جاعالاۋى وتەدى. جاڭا ايتتىم عوي كەمىرگىشتەر ىلعالدى جاقسى كورەدى. دەراتيزاتسيالىق جۇمىستاردى ەڭ ناتيجەلى قامتۋ ءۇشىن قىسقا/ءبىر مەرزىمدە وڭدەۋدىڭ جيىلىگىن قايتالاۋ كەرەك. سول كەزدە عانا ءبىز تىشقان، ەگەۋقۇيرىقتاردان قۇتىلا الامىز.

كەمىرگىشتەن كەلەتىن كەسەل از ەمەس. مامان بىرنەشە قاۋىپتى اۋرۋدىڭ ءتۇرىن اتادى. بۇل قاتاردا قۇتىرما، وبا، لەپتوسپيروز بار. ءۇي الاڭىندا ۇيىلگەن قوقىس، قاراۋسىز قويمالار مەن جەرتولەلەر ەگەۋقۇيرىقتاردىڭ تارالۋىنا قولايلى جاعداي جاسايتىن ورىن ەكەن. وسىنى ەسكەرسەك، ەندىگى ساقتىق وزىمىزدەن.

24.kz

سوڭعى جاڭالىقتار