كوشىپ كەلۋشىلەرگە قازاقستانعا كىرۋ ءۇشىن ەلەكتروندىق رۇقسات الۋ مىندەتتى بولادى

قۇجاتقا سايكەس، 2026 -جىلعى 1 -قاراشادان باستاپ — قازاقستان رەسپۋبليكاسىنىڭ مەملەكەتتىك شەكاراسىنداعى مىناداي وتكىزۋ پۋنكتتەرىندە: اقتاۋ حالىقارالىق اۋەجايىندا، «ۇرلىتوبە» اۆتوموبيل وتكىزۋ پۋنكتىندە (پاۆلودار وبلىسى)، «اۋقاتتى» اۆتوموبيل وتكىزۋ پۋنكتىندە (جامبىل وبلىسى)، «اتامەكەن» اۆتوموبيل وتكىزۋ پۋنكتىندە (تۇركىستان وبلىسى) جانە «نۇرلى جول» اۆتوموبيل وتكىزۋ پۋنكتىندە (جەتىسۋ وبلىسى)، كوشىپ كەلۋشىنى كىرگىزۋدەن باس تارتىلمايدى، رۇقسات رەسىمدەۋ قاجەتتىگى تۇسىندىرىلەدى؛

2027 -جىلعى 1- قاڭتاردان باستاپ — قازاقستان رەسپۋبليكاسىنىڭ مەملەكەتتىك شەكاراسىندا: استانا جانە الماتى قالالارىنىڭ حالىقارالىق اۋەجايلارىندا، كوشىپ كەلۋشىنى كىرگىزۋدەن باس تارتىلمايدى، رۇقسات رەسىمدەۋ قاجەتتىگى تۇسىندىرىلەدى؛

2027 -جىلعى 1 -ناۋرىزدان باستاپ — قازاقستان رەسپۋبليكاسىنىڭ مەملەكەتتىك شەكاراسىنداعى قالعان بارلىق وتكىزۋ پۋنكتتەرى ارقىلى كىرۋ كەزىندە ەلەكتروندىق رۇقساتتىڭ بولۋىن تالاپ ەتۋ، بۇل رەتتە كوشىپ كەلۋشىنى كىرگىزۋدەن باس تارتىلمايدى، وعان ەلەكتروندىق رۇقساتتى رەسىمدەۋ قاجەتتىگى تۇسىندىرىلەدى؛

2027 -جىلعى 1 -شىلدەدەن باستاپ — كىرۋگە ەلەكتروندىق رۇقساتتىڭ مىندەتتىلىگىن ەندىرۋ، ونىڭ بولماۋى كوشىپ كەلۋشىنى قازاقستان رەسپۋبليكاسىنا كىرگىزۋدەن باس تارتۋعا نەگىز بولادى.

قازاقستان رەسپۋبليكاسى پرەزيدەنتى اكىمشىلىگىنىڭ، قازاقستان رەسپۋبليكاسى قۇرىلتايىنىڭ، جوعارعى سوتىنىڭ، ۇكىمەتى اپپاراتىنىڭ، ارناۋلى مەملەكەتتىك ورگانداردىڭ، قورعانىس مينيسترلىگىنىڭ جانە سىرتقى ساياسي قىزمەت سالاسىنداعى ۋاكىلەتتى مەملەكەتتىك ورگاننىڭ شاقىرۋىمەن كەلەتىن شەتەل ازاماتتارى؛

ون التى جاسقا تولماعان ادامدار؛

الپىس بەس جاسقا تولعان جانە ودان اسقان ادامدار؛

قازاقستان رەسپۋبليكاسىنىڭ مەملەكەتتىك شەكاراسىن كەسىپ وتپەي، حالىقارالىق اۋەجايلاردىڭ ترانزيتتىك ايماعىندا بولاتىن ترانزيتتىك جولاۋشىلار؛

قازاقستان رەسپۋبليكاسىنىڭ قولدانىستاعى ۆيزاسى بار شەتەل ازاماتتارى؛

قازاقستان رەسپۋبليكاسىندا ۋاقىتشا تۇرۋعا رۇقساتى نەمەسە تۇرۋعا ىقتيارحاتى بار شەتەل ازاماتتارى؛

قازاقستان رەسپۋبليكاسىنىڭ زاڭناماسىنا سايكەس بوسقىن دەپ تانىلعان ادامدار؛

باسپانا ىزدەۋشى ادامدار؛