كوشپەندىلەر ويىنى: قازاقستان توعىزقۇمالاقتان 5 مەدال جەڭىپ الدى
استانا. KAZINFORM - دۇنيەجۇزىلىك كوشپەندىلەر ويىندارىنىڭ توعىزقۇمالاق باسەكەسى استانا قالاسىنداعى «دۋمان» قوناق ۇيىندە ءوز مارەسىنە جەتتى.
ءۇش كۇنگە سوزىلعان باسەكەدە، ۇلتتىق قۇراما سپورتشىلارى جالپى 5 مەدال ەنشىلەدى (3 التىن، 1 كۇمىس، 1 قولا).
ەرلەر اراسىنداعى جەكەلەي سىندا قازاقستاندىق بەكسۇلتان بوستاندىقوۆ التىن، ەرسۇلتان اۋەلباي قولا جۇلدە الدى. ال قىرعىزستاندىق توعىزقۇمالاقشىلار كۇمىس جانە قولا مەدالدى قاناعات تۇتتى.
ايەلدەر اراسىندا ۇلتتىق قۇراما سپورتشىسى ءمولدىر سەرىك قىزى التىن، اڭساعان قوجاناسىپ كۇمىس جۇلدە ەنشىلەدى. قىرعىزستان سپورتشىلارى 2 قولا مەدال يەلەندى. سونداي-اق، ۇلتتىق قۇراما جالپى ەسەپتە 30,5 ۇپايمەن كوماندالىق التىن جۇلدەنى جەڭىپ الدى. ەكىنشى ورىندا - قىرعىزستان، ءۇشىنشى ورىندا - رەسەي جانە موڭعوليا.
ايتا كەتەيىك، توعىزقۇمالاق جارىسىنا الەمنىڭ 41 ەلىنەن 114 سپورتشى قاتىستى.
اۆتور
مۇحتار قاليموللا ۇلى
