كوشپەندىلەر ويىندارى: قازاقستان قىزدار قۇراماسى بەس اسىقتان التىن مەدال الدى

استانا. KAZINFORM - قازاقستان قىزدار قۇراماسى بەس اسىقتان 5- دۇنيەجۇزىلىك كوشپەندىلەر ويىندارىنىڭ جەڭىمپازى اتاندى.

ا توبىندا قارسىلاس شاق كەلتىرمەي العاشقى ورىنمەن اقتىق سىنعا جولداما العان قازاقستان قىزدار قۇراماسى رەسەيمەن باق سىناستى. تۋريزم جانە سپورت مينيسترلىگى باسپا ءسوز قىزمەتىنىڭ مالىمەتىنشە، الاۋ مۇز ايدىنى كەشەنىندە وتكەن فينالدىق ويىندا وتاندىق سپورتشىلار قارسىلاستارىن 3:0 ەسەبىمەن تىزە بۇكتىردى.

ايتا كەتەيىك، بەس اسىقتان قازاقستان قىزدار قۇراماسى توپتىق كەزەڭدە قىرعىزستان، ماجارستان، شۆەتسيا جانە رۋمىنيا قۇرامالارىن 3:0 ەسەبىمەن جەڭىپ، فينالعا جولداما العان بولاتىن.

بۇگىن وتانداسىمىز باتىر بەكساۋىت جامبى ستيلىنەن كۇمىس جۇلدە العانىن جازعان بولاتىنبىز.

اۆتور

ەلميرا ورالبايەۆا