كۇردىستان جۇمىسشى پارتياسى تارادى
استانا. KAZINFORM - شەشىم پارتيانىڭ 12-سيەزىندە قابىلداندى، دەپ حابارلايدى ВВС.
كۇردتەردىڭ Rudaw تەلەارناسىنىڭ حابارلاۋىنشا، ك ج پ ءوزىنىڭ ۇيىمدىق قۇرىلىمىن تاراتادى، اسكەري كۇرەستى دە قويىپ، ءوزىنىڭ بۇرىنعى اتاۋىمەن قىزمەتىن توقتاتادى.
- كۇردىستان جۇمىسشى پارتياسى حالقىمىزعا قارسى مويىنداماۋ، جويۋ ساياساتىن قۇرتىپ، كۇرد ماسەلەسىن دەموكراتيالىق جولمەن شەشۋگە بولاتىن جاعدايعا الىپ كەلدى، ياعني ءوزىنىڭ تاريحي ميسسياسىن ورىندادى، - دەلىنگەن پارتيانىڭ مالىمدەمەسىندە.
اقپان ايىنىڭ سوڭىندا پارتيانىڭ قاماۋدا وتىرعان ليدەرى ابدۋللا ودجالان ءوزىنىڭ جاقتاستارىن تۇرىك مەملەكەتىنە قارسى قارۋلى كۇرەستى توقتاتىپ، قارۋدى تاستاۋعا شاقىردى. وسىدان كەيىن پارتيا تۇركيامەن قاقتىعىستا اتىستى توقتاتىپ، كەيىنگى ستراتەگيانى تالقىلاۋعا كوشتى.
كۇردىستاننىڭ جۇمىسشى پارتياسى 1978 -جىلى قۇرىلىپ، تۇركيا اۋماعىندا تاۋەلسىز كۇرد مەملەكەتىن قۇرۋ جولىندا 40 جىلدان استام ۋاقىت قارۋلى كۇرەس جۇرگىزدى، مىڭداعان ادام قۇربان بولدى.
ك ج پ تۇركيادا، ا ق ش پەن بريتانيادا جانە ەۋروپانىڭ ءبىرقاتار ەلىندە تەرروريستىك ۇيىم دەپ تانىلعان.
وسىعان دەيىن كۇردىستان جۇمىسشى پارتياسى تۇركيا ۇكىمەتىمەن بىتىمگە كەلەتىنىن جاريالاعان بولاتىن.
