«كەنجەحان» بازارى ءالى ءانيپا نازاربايەۆانىڭ مەنشىگىندە مە - ساۋدا ءمينيسترىنىڭ جاۋابى

ماجىلىستەگى ساۋدا ساياساتىن دامىتۋ ماسەلەلەرىنە ارنالعان ۇكىمەت ساعاتىنان كەيىن ب ا ق وكىلدەرىنىڭ ساۋالىنا جاۋاپ بەرگەن ساۋدا جانە ينتەگراتسيا ءمينيسترى ارمان شاققاليەۆ الماتىداعى «كەنجەحان» بازارىنىڭ يەلەرى تۋرالى پىكىر ءبىلدىردى، دەپ حابارلايدى Kazinform.

ءانيپا نازاربايەۆ «كەنجەحان» بازارىنىىڭ يەلەرىنىڭ قۇرامىندا ءالى بار ما؟»، - دەپ سۇرادى جۋرناليست.

«بىلەسىز بە، بىزگە بازاردىڭ يەسى كىم ەكەنىنەن گورى ساۋدا نىسانى رەتىندەگى جاعدايى قىزىقتى. «يەسى كىم»، «ول قايدا»، «نەگە» دەگەن سياقتى سۇيىكتى سۇراقتار كوپ. ءبىز ىلعي ايتامىز، ول اقپاراتتىڭ ءبارى زاڭدى تىزبەدە بار. وعان جالپىنىڭ قولى جەتىپ تۇر. ادىلەت مينيسترلىگىنە يەسى كىم، قانداي ەكەنى تۋرالى ساۋال جولداۋعا بولادى. ءبىز ءۇشىن ساۋدا نىسانىنىڭ قاجەتتى دەڭگەيدە، زاڭدى جۇمىس ىستەگەنى ماڭىزدى. ياعني، سۋبەكتىلەرگە ەمەس، وبەكتىلەرگە، ينفراقۇرىلىمعا، زاڭ تالاپتارىن ورىندارىنىڭ ورىندالۋىنا ءمان بەرەمىز»، - دەدى مينيستر.

اۆتور

ەسىمجان ناقتىباي