كەلەسى اپتادا استانادا قانداي مادەني ءىس- شارالار وتەدى؟

ەلوردادا الداعى اپتا ءتۇرلى مادەني شارالارعا، سونىڭ ىشىندە كونسەرتتەرگە، كورمەلەرگە، كوپ جانرلىق قويىلىمدارعا تولى بولادى، دەپ حابارلايدى Kazinform ءتىلشىسى استانا اكىمدىگىنىڭ رەسمي سايتىنا سىلتەمە جاساپ.

16 -قازان كۇنى ساعات 19.00-دە «جاستار» سارايىندا DS CREW توبىنىڭ العاشقى جەكە كونسەرتى وتەدى.

وسى كۇنى QAZAQSTAN ورتالىق كونسەرت زالىندا سيمفونيالىق وركەستر مەن Ne prosto وركەسترىنىڭ حورى ورىندايتىن «كەرەمەت عاسىر» ساۋندترەك كونسەرتى ۇيىمداستىرىلادى.

17 -قازان كۇنى ساعات 10.00-دە تاريحي- مادەني مۇرالار ەسكەرتكىشتەرى مەن نىساندارىن ساقتاۋ ورتالىعىنىڭ «قاستەرلى كارتا. ەلوردانىڭ ەسكەرتكىشتەرى مەن نىساندارىنداعى استانا تاريحى» كورمەسى بولادى.

«جاستار» تەاترىندا ساعات 18.30-دا كورەرمەندەرگە س. سەيفۋللين اتىنداعى قازاق دراما تەاترىنىڭ «ۇلتقا قىزمەت» سپەكتاكلى كورسەتىلەدى.

19.00-دە «استانا وپەرا» تەاترىندا «پەرىشتەلەر مۋزىكاسى» كونسەرتى وتەدى.

وسى كۇنى «جاستار» سارايىندا دينا نۇرپەيىسوۆا اتىنداعى اكادەميالىق قازاق حالىق اسپاپتار وركەسترىنىڭ «سارايشىقتان سالەم ساز» اتتى كونسەرتى وتەدى.

18 -قازان ساعات 11.00-دە ە. راحمادييەۆ اتىنداعى مەملەكەتتىك اكادەميالىق فيلارمونيا «ەل قورعاۋ - ناعىز ەرلەر ءىسى!» اسكەري- پاتريوتتىق ءىس- شاراسىن وتكىزەدى. مەرزىمدى اسكەري قىزمەتكە شاقىرىلعانداردى سالتاناتتى تۇردە شىعارىپ سالۋ ءراسىمى.

18.30-دا «جاستار» تەاترىندا قاراعاندىداعى س. سەيفۋللين اتىنداعى قازاق دراما تەاترىنىڭ «قوش، ماحاببات» سپەكتاكلى قويىلادى.

19.00-دە بەيبىتشىلىك جانە كەلىسىم سارايىندا تولەگەن مۇحامەدجانوۆتىڭ رۋحاني كەلىسىم كۇنىنە ارنالعان كونسەرتى وتەدى.

«استانا وپەرا» تەاترىندا «بوگەما» سپەكتاكلى كورسەتىلەدى.

19.00-دە «جاستار» سارايىنىڭ ساحناسىندا حالىق اسپاپتار وركەسترى مەن «سارمات» ەتنو- فولكلورلىق انسامبلى ونەر كورسەتەدى.

19- قازاندا ەكسپو كورمە ورتالىعىندا حالىقارالىق اۋىل شارۋاشىلىعى كورمەلەرى باستالادى.

ساعات 18:30-دا «جاستار» سارايىندا تاڭداۋلى مۋلتفيلمدەردىڭ ساۋندترەكتەرى وينالادى.

19.00-دە ق. قۋانىشبايەۆ تەاترىندا «عاجاپقا تولى اۋەن» حالىق اسپاپتار ءانسامبلىنىڭ كونسەرتى وتەدى.

20 -قازان كۇنى ساعات 10.00-دە ساكەن سەيفۋللين مۇراجايىندا «تاۋەلسىزدىك دەپ سوعادى جۇرەگىمىز» كورمەسى باستالادى.

14.00, 16.00-دە قۋىرشاق تەاترىندا «وتباسىلىق البوم» قويىلىمى كورسەتىلەدى.

19.00-دە «استانا وپەرا» تەاترىندا «جىبەك باسپالداق» فارس- وپەراسى وتەدى.

وسى كۇنى ءال- فارابي اتىنداعى وقۋشىلار سارايىندا «اليسا عاجايىپتار ەلىندە» سيرك جانە تەاتر قويىلىمى بولادى.

21 -قازاندا «جاستار» سارايىندا جاس كورەرمەندەر «كوك تراكتور» مۋزىكالىق قويىلىمىن تاماشالاي الادى. ۋاقىتى: 11:00, 14:00, 17:00.

12.00 جانە 16.00-دە قۋىرشاق تەاترىندا «وتباسىلىق البوم» قويىلىمى كورسەتىلەدى.

18.00-دە ءازىربايجان مامبەتوۆ اتىنداعى مەملەكەتتىك دراما جانە كومەديا تەاترى «بوراندى بەكەت» سپەكتاكلىن قويادى.

22 -قازاندا 13:00, 15:00 جانە 17:00-دە «قازمەديا حولل» ساحناسىندا «اليسا دەمالىستا» اتتى بالالار تەاترلاندىرىلعان شوۋى وتەدى.

19.00-دە ە. راحماديەۆ اتىنداعى مەملەكەتتىك اكادەميالىق فيلارمونياسىندا قۇدايبەرگەن بەكىشتىڭ كونسەرتى بولادى.

اۆتور

اسحات رايقۇل