كەلەر جىلى كۇش قۇرىلىمدارىنىڭ شىعىستارى 2,7 تريلليون تەڭگە سوماسىندا بەلگىلەندى
استانا. قازاقپارات - 2025 -جىلعا ارنالعان كۇش قۇرىلىمدارىنىڭ شىعىستارى 2,7 تريلليون تەڭگە كولەمىندە بولادى. بۇل تۋرالى ماجىلىستە «2025-2027 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىرۋ كەزىندە ق ر قارجى ۆيتسە-ءمينيسترى ابزال بەيسەنبەك ۇلى ايتتى.
«مەملەكەتتىك قىزمەتتەر كورسەتۋ ۇدەرىستەرىن جەتىلدىرۋگە، بايلانىس، ايەروعارىش سالاسىن دامىتۋعا جانە اقپاراتتىق قاۋىپسىزدىك دەڭگەيىن ارتتىرۋعا 3 جىلدىق كەزەڭگە 385 ميلليارد تەڭگە سوماسىندا قاراجات كوزدەلگەن، ونىڭ ىشىندە 2025 -جىلعا - 123 ميلليارد تەڭگە»، - دەدى ا. بەيسەنبەك ۇلى.
بۇدان بولەك ول 2025 -جىلعا ارنالعان كۇش قۇرىلىمدارىنىڭ شىعىستارى 2,7 تريلليون تەڭگە كولەمىندە جوسپارلانعانىن ايتتى. جالپى، مەملەكەتتىڭ قورعانىس قابىلەتى مەن قاۋىپسىزدىگىن قامتاماسىز ەتۋ، قۇقىقتىق ءتارتىپتى قورعاۋ جانە ىشكى تۇراقتىلىقتى قولداۋ جونىندەگى ءىس-شارالار تولىق كولەمدە جۇزەگە اسىرىلادى.
«ۇكىمەتتىك بورىشقا قىزمەت كورسەتۋگە شىعىستار 2,5 تريلليون تەڭگە سوماسىندا جوسپارلاندى. بۇل كولەم مەملەكەتتىك قارجىنى باسقارۋدىڭ تۇجىرىمداماسى اياسىندا قاراستىرىلعان بيۋدجەتتىك ەرەجەگە سايكەس كەلەدى. شۇعىل شىعىنداردى قامتاماسىز ەتۋ جانە توتەنشە جاعدايلاردى جويۋ ءۇشىن ۇكىمەت رەزەرۆىنە شامامەن 400 ميلليارد تەڭگە باعىتتاۋ ەسكەرىلگەن. مەملەكەت باسشىسىنىڭ باستامالارىنا 100 ميلليارد تەڭگە قاراستىرىلدى»، - دەدى ۆيتسە-مينيستر.
بۇدان بۇرىن حابارلانعانداي، 2025 -جىلى الەۋمەتتىك سالانىڭ شىعىستارى ارتادى.
اۆتور
رۋسلان عابباسوۆ
