كاتار، مىسىر جانە ا ق ش يزرايل مەن حاماس-تى كەلىسسوزدى قايتا باستاۋعا شاقىردى
استانا. KAZINFORM - كاتار، مىسىر جانە ا ق ش بيلىگى يزرايل مەن پالەستينالىق حاماس-تى گازا سەكتورىنداعى اتىستى توقتاتۋ جانە وتكەن جىلدىڭ 7 -قازانىنداعى شابۋىل كەزىندە تۇتقىنعا الىنعان يزرايلدىكتەردى بوساتۋ تۋرالى كەلىسسوزدەردى قايتا باستاۋعا شاقىردى، دەپ جازادى BBC.
«ءبىز تاراپتاردى دوحا نەمەسە كايردەگى ولقىلىقتاردى جويۋ جانە كەلىسىمدى كەشىكتىرمەي جۇزەگە اسىرۋدى باستاۋ ءۇشىن كەلىسسوزدەردى جەدەل تۇردە قايتا باستاۋعا شاقىردىق»، - دەلىنگەن بىرلەسكەن مالىمدەمەدە.
كەلىسسوزدەردىڭ قايتا جاندانۋى ايماقتاعى شيەلەنىستى باسەڭدەتۋ جانە وتكەن اپتاداعى حاماس جەتەكشىسى يسمايل حانيانىڭ قازاسىنان كەيىنگى شيەلەنىستى توقتاتۋ ارەكەتى.
ا ق ش مەملەكەتتىك حاتشىسى ەنتوني بلينكەن وسى اپتادا يران مەن يزرايلدى تاياۋ شىعىستاعى شيەلەنىستىڭ الدىن الۋعا شاقىردى.
يزرايل پرەمەر- ءمينيسترى بينيامين نەتانياحۋ كەڭسەسى يزرايل دەلەگاتسياسىنىڭ كەلىسسوزدەرگە 15-تامىزدا كەتەتىنىن حابارلادى.
حاماس وكىلدەرى ءالى تۇسىنىك بەرگەن جوق. تاياۋ شىعىس پەن امەريكالىق دەلدالدار حانيا قايتىس بولعاننان كەيىن بىتىمگەرشىلىك كەلىسىمىنە قول جەتكىزۋ وڭاي بولمايتىنىن مويىندادى.
اۆتور
ەركەجان سماعۇلوۆا
