سۆەتلانا جاقىپوۆ «ياندەكس» ارقىلى قىزمەت كورسەتۋشىلەر قالاي سالىق تولەيتىنىن ايتتى
ەڭبەك جانە حالىقتى الەۋمەتتى قورعاۋ ءمينيسترى سۆەتلانا جاقىپوۆا «ياندەكس» ارقىلى قىزمەت كورسەتۋشىلەر قالاي سالىق تولەيتىنىن ايتتى، دەپ حابارلايدى Kazinform اگەنتتىگى.

«ينتەرنەت پلاتفورمالاردا جۇمىس ىستەيتىن ازاماتتاردىڭ قىزمەتىن زاڭداستىرۋ ءۇشىن بىرنەشە شارا قابىلدادىق. ونىڭ ىشىندە الەۋمەتتىك كودەكس شەڭبەرىندە «تاۋەلسىز ورىنداۋشى»، «ينتەرنەت پلاتفورما وپەراتورى» ۇعىمدارىن جانە تاپسىرىس بەرۋشىلەردىڭ قۇقىقتىق مارتەبەسىن زاڭناما تۇرعىسىندا بەكىتتىك»، - دەدى ول.
مينيسترلىك پەن مەملەكەتتىك كىرىستەر كوميتەتى «ياندەكس» پلاتفورماسىنا سالىق اگەنتى رەتىندە قۇقىقتىق مارتەبە بەرىپ وتىر.
«مەملەكەتتىك كىرىستەر كوميتەتىمەن بىرلەسىپ، ينتەرنەت پالتفورمادان «ياندەكس» كومپانياسىن الدىق. سولارمەن بىرگە پيلوتتىق جوبا جۇرگىزىپ جاتىرمىز. ول پيلوتتىق جوبا نەگىزىندە «ياندەكس» كومپانياسىن سالىق اگەنتى رەتىندە تانىپ وتىرمىز. سالىقتىڭ مولشەرىن 4 پايىز كولەمىندە كەلىستى. نەگە 4 پايىز دەپ سۇراۋعا بولادى عوي. بىرىنشىدەن، قازىرگى ۋاقىتتا «ياندەكسپەن» بىرگە جۇمىس ىستەيتىن دەلدالداردىڭ تابىسىنان 4 پايىزى ۇستالادى. سوندىقتان وسى 4 پايىزدى قالدىردىق. ءبىراق ولار ءبىر تولەم بولىپ، ينتەرنەت پلاتفورما ارقىلى وزدەرى تولەيدى. ءبىر عانا ماسەلە بار. قازىرگى تاڭدا قولدانىستاعى زاڭناما بويىنشا ولار جەكە كاسىپكەرلىك رەتىندە تىركەلۋ كەرەك. ءبىراق ءبىز ءبىلىپ وتىرمىز، پلاتفورمانىڭ ىشىندە جۇمىس ىستەپ وتىرعان ازاماتتتاردىڭ باسقا دا جۇمىسى بار. سوندىقتان بۇل پيلوتتىق جوباعا جەكە، باسقا سالىق ءتارتىبىن ەنگىزۋ كەرەك»، - دەدى مينيستر.
اۆتور
ەسىمجان ناقتىباي