كاسپي تەڭىزىنىڭ جاعالاۋىنان تاعى دا 121 يتبالىقتىڭ ولەكسەسى تابىلدى
اقتاۋ. KAZINFORM - وتكەن اپتادا ءتۇپقاراعان اۋدانى اۋماعىنداعى تەڭىز جاعاسىنان 289 ءولى يتبالىق جينالعان بولاتىن. ماڭعىستاۋ وبلىستىق بالىق شارۋاشىلىعى ينسپەكتسياسى باسشىسىنىڭ مىندەتىن اتقارۋشى اندرەي رۋسكيدىڭ مالىمدەۋىنشە، بۇگىن 5-قاراشا كۇنى تاعى 121 ولەكسە انىقتالدى.
«يتبالىقتار سولتۇستىك-باتىستان سوققان جەلدەن جاعاعا شىعىپ قالعان. وڭىرگە الماتى قالاسىنداعى ميكروبيولوگيا جانە ۆيرۋسولوگيا ينستيتۋتىنىڭ ماماندارى كەلىپ، فورت-شيەۆچەنكو، باۋتينو قالالارىنا جەتكىزدىك. ولار سىناما الۋعا جارامدى ولەكسەلەردەن ماتەريالدار الىپ باستادى. بۇل - باس ينستيتۋت. ال، وسىعان دەيىن كەلگەن عالىمدار سىنامالاردى الىپ كەتتى. زەرتتەۋ جۇمىستارىنىڭ الدىن الا قورىتىندىسى شامامەن 2-3 ايدا عانا شىعادى. ويتكەنى ول ۇزاق پروتسەسس»، - دەيدى ماڭعىستاۋ وبلىستىق بالىق شارۋاشىلىعى ينسپەكسياسى باسشىسىنىڭ مىندەتىن اتقارۋشى اندرەي رۋسكي.
ۆەدومستۆو اقپاراتىنا قاراعاندا، ماڭعىستاۋ وبلىسى بويىنشا ەكولوگيا دەپارتامەنتىنىڭ ماماندارى يتبالىق ولەكسەلەرى تابىلعان كاسپيي تەڭىزىنىڭ جاعالاۋىنان سۋ سىنامالارىن الدى. ونىڭ قورتىندىسى بويىنشا نورمادان تىس اۋىتقۋلار انىقتالمادى.
اۆتور
اياگوز ءىزباساروۆا
