كاسپي تولىپ كەلەدى

استانا. قازاقپارات - تەڭىزدىڭ بۇيرا تولقىندارى بيىل كوز قۋانتارى انىق. قاڭتار مەن ناۋرىز ارالىعىندا كاسپيدىڭ سولتۇستىك جانە شىعىس بولىگىندەگى سۋ 29 مەترگە تومەن ءتۇسىپ كەتكەن ەدى.

مۇنداي كورسەتكىش كوپتەن بەرى بولماعان دەيدى ماماندار. دەگەنمەن، قازىر قايتا كوتەرىلىپ كەلەدى.

تەڭىز دەڭگەيىنىڭ كوتەرىلۋىنە تاسقىن سۋ وڭ اسەر ەتىپ وتىر. بۇعان دەيىن دە سۋ كەلگەن، ءالى دە كەلىپ جاتىر. كاسپيدى تولتىرىپ جاتقان قوس وزەن - ەدىل مەن جايىق. اسىرەسە، ەدىلدىڭ بەرەرى كوپ. مامانداردىڭ ايتۋىنشا، الداعى جىلدارى جاۋىن-شاشىن مول تۇسسە، تەڭىز كەمەرىنە كەلەدى.

ءامىرحان كەنشىموۆ، تەحنيكا عىلىمدارىنىڭ كانديداتى:

- نەگىزگى وزەن، ول - ۆولگا. تەڭىزدىڭ دەڭگەيى نەگىزىنەن سول ۆولگاعا بايلانىستى. ال ەندى ودان كەيىنگى ءىرى وزەن، بۇل - جايىق. جايىقتان تۇسەتىن سۋ كوپ بولىپ جاتىر. سودان كەيىن ۆولگادان تۇسەتىن سۋ كوپ بولىپ جاتىر. ۆولگانىڭ ءبىر ساعاسىنداعى پلوتينانى جۇلىپ كەتىپتى دەگەن كەشە حابار كەلدى. سوعان قاراعاندا سۋ جاقسى. ەگەر كەلەسى جىلى دا، سۋ جاقسى بولاتىن بولسا، وندا قالپىنا كەلەدى كاسپي. ال كەلەسى جىلدارى وزەندەر از قۇيسا، كاسپي تاعى تومەندەۋى مۇمكىن.

سونداي- اق، تەڭىز دەڭگەيى كۇن رايىنا دا تاۋەلدى. ەگەر، كۇن قاتتى ىسىسا، سۋ كوپ بۋلانادى. بۇگىندە كاسپي ماڭىنداعى ورتاشا بۋلانۋ دەڭگەيى 1 مەتردىڭ شاماسىندا. ال ازىرگە تەڭىز دەڭگەيى كوتەرىلىپ كەلەدى.

ايزات ەلتاي، «قازگيدرومەت» ر م ك عىلىمي- زەرتتەۋ ورتالىعى باسقارماسىنىڭ باستىعى:

- 2024 -جىلعى 22-ساۋىردەگى جاعداي بويىنشا جايىق وزەنى - اتىراۋ قالاسى ماڭىندا سۋ دەڭگەيى 412 س م قۇرادى. 2024 -جىلدىڭ 11-ساۋىرىنەن باستاپ جايىق وزەنىندەگى دەڭگەيدىڭ جوعارىلاۋىنا بايلانىستى كاسپي تەڭىزىنىڭ سولتۇستىك-شىعىس بولىگىندە تەڭىز دەڭگەيىنىڭ جوعارىلاۋى بايقالدى. بۇل پەشنوي ستانتياسىندا تەڭىز دەڭگەيىنىڭ 69 س م- گە دەيىن كوتەرىلۋىنە جەتكىزدى. بۇگىنگى تاڭدا كاسپي تەڭىزىنىڭ سولتۇستىك شىعىسىنداعى تەڭىز دەڭگەيى مينۋس 28,21 مەتردى قۇرايدى. 21-ءساۋىر كۇنى ەدىل بويىنداعى سۆەتلىي يار گيدروبەكەتىندە سۋ دەڭگەيى ءبىر تاۋلىكتە 7 س م- گە كوتەرىلىپ، 742 س م- گە جەتتى. الداعى ۋاقىتتا تاعى دا كوتەرىلۋى مۇمكىن. دەمەك، كاسپيگە تۇسەتىن سۋ كولەمى ءالى دە ارتا تۇسپەك.

www.24.kz