كارىم ءماسىموۆ پرەزيدەنتتەن راقىمشىلىق سۇرادى

استانا. قازاقپارات - مەملەكەتكە ساتقىندىق جاساپ، بيلىكتى باسىپ الماق بولعانى ءۇشىن سوتتالعان ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ وزىنە راقىمشىلىق جاساۋدى سۇرادى.

түрме
Фото: pixabay

قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى بۇل اقپاراتتى راستادى. ءماسىموۆ بيىلعى جىلدىڭ ناۋرىزىندا راقىمشىلىق جاساۋدى سۇراپ، قازاقستان پرەزيدەنتىنىڭ اتىنا ءوتىنىمحات جولداعان. قازىرگى تاڭدا قىلمىستىق جولمەن الىنعان قاراجات پەن وزگە دە مۇلىكتى زاڭداستىردى جانە اسا ءىرى كولەمدە پارا الدى دەگەن ايىپ بويىنشا ءماسىموۆتىڭ ۇستىنەن سوتقا دەيىنگى تەرگەۋ ءىسى جۇرگىزىلىپ جاتىر.

ەسكە سالا كەتەيىك، 2023 -جىلدىڭ ساۋىرىندە مەملەكەتكە ساتقىندىق جاساپ، بيلىكتى باسىپ الماق بولدى دەگەن ايىپپەن ءماسىموۆ 18 جىلعا سوتتالعان ەدى.

https://24.kz/kz

سوڭعى جاڭالىقتار