كانادادا 550 جولاۋشىسى بار ۇشاققا نايزاعاي ءتۇستى

استانا. KAZINFORM - ۆانكۋۆەردەن لوندونعا باعىت العان Air Canada اۆياكومپانياسىنىڭ Boeing 777-300 ۇشاعىنا نايزاعاي ءتۇستى. بورتتا 550 جولاۋشى بولعان.

СityNews باسىلىمىنىڭ مالىمەتىنشە، لاينەرگە ورناتىلعان نايزاعايعا قارسى ارنايى جۇيەنىڭ ارقاسىندا ۇشاق ىشىندەگىلەر اپاتتان امان قالعان. بۇل جايتتان كەيىن ۇشاق ۇشۋىن جالعاستىرىپ، حيتروۋ اۋەجايىنا قوندى.

«ۇشاق ۆانكۋۆەر حالىقارالىق اۋەجايىنان كوتەرىلگەننەن كەيىن كوپ ۇزاماي نايزاعاي سوقتى»، - دەپ جازدى اتالعان باسىلىم.

ۇشاققا نايزاعاي تۇسكەن ءساتتىڭ ۆيدەوسى جەلىدە كەڭ تاراپ كەتتى.

ا ق ش ۇلتتىق اۋا رايى قىزمەتىنىڭ مالىمەتىنشە، جولاۋشىلار ۇشاعىن جىلىنا ورتا ەسەپپەن 1-2 رەت نايزاعاي تۇسەدى.

اۆتور

ەركەجان سماعۇلوۆا