ك ح د ر پارلامەنتى ەل كونستيتۋتسياسىنا ەنگىزىلگەن وزگەرىستەردى تالقىلايدى
استانا. KAZINFORM - سولتۇستىك كورەيا قاڭتاردا پارلامەنتتىڭ نەگىزگى وتىرىسىن وتكىزىپ، وندا كونستيتۋتسياعا وزگەرىستەر مەن باسقادا ءبىرقاتار ماسەلەلەردى تالقىلايدى، دەپ جازادى Yonhap.
كورەيا ورتالىق اقپارات اگەنتتىگىنىڭ حابارلاۋىنشا، ك ح د ر 14- جوعارعى حالىق جينالىسىنىڭ 12-سەسسياسىن 2025 -جىلدىڭ 22-قاڭتارىندا شاقىرۋ تۋرالى شەشىم قابىلدانعان.
ءمالىم بولعانداي، الداعى سەسسيادا «سوتسياليستىك كونستيتۋتسيانىڭ كەيبىر ەرەجەلەرىن قايتا قاراۋ» سياقتى ءبىرقاتار ماسەلەلەر كوتەرىلەدى.
سونىمەن قاتار، ورتالىق اقپارات اگەنتتىگى قاڭتارداعى سەسسيادا 2025 -جىلعا ارنالعان مەملەكەتتىك بيۋدجەتتى، قۇرىلىس ماتەريالدارى ونەركاسىبى جانە جاعالاۋداعى بالىق شارۋاشىلىعى تۋرالى زاڭداردى قابىلداۋدى، سونداي-اق ۇيىمداستىرۋ ماسەلەلەرىن تالقىلايدى دەپ حابارلايدى.
20-قاڭتارداعى دونالد ترامپتىڭ يناۋگۋراتسياسىنان ەكى كۇن وتكەن سوڭ سولتۇستىك كورەيا كوشباسشىسى ترامپتىڭ ەكىنشى پرەزيدەنتتىك مەرزىمىنە جاۋاپ رەتىندە ءوز ەلىنىڭ ا ق ش-قا قاتىستى ساياساتىن جاريالاۋى مۇمكىن، دەپ جازادى يونحاپ.
بۇعان دەيىن كيم چەن ىن سوعىسقا تولىق دايىن بولۋعا شاقىرعان.
ەركەجان سماعۇلوۆا
