جىلقى ەتىن جەپ كورگىمىز كەلەدى - كوشپەندىلەر ويىندارىنا كەلگەن نيدەرلاندتىق فوتوجۋرناليستەر
استانا. KAZINFORM - دجوننا ەليزاۆەت رايتەر پەن ەريك ۋولف - V دۇنيەجۇزىلىك كوشپەندىلەر ويىندارىنا نيدەرلاند ەلىنەن ارنايى كەلگەن فوتوتىلشىلەر. ويىندى تاماشالاپ جۇرگەن قوناقتاردى اڭگىمەگە تارتقان ەدىك.
شەتەلدىك مەيماندار ەلىمىزگە العاش كەلىپتى. ولار قازاقستاندا ءبىر اپتاداي بولۋدى جوسپارلاپ وتىر.
«قازاقستانعا العاش كەلىپ وتىرمىز، الدىمەن كوزگە تۇسكەنى حالىق - قوناقجاي. بۇگىن كەلدىك، ءالى ويىنداردى تاماشالاپ ۇلگەرمەدىك، قازاقستان تۋرالى كوبىرەك بىلگىمىز كەلەدى. مەنىڭ جەكە سايتىم بار، كوشپەندىلەر ويىندارىنىڭ فوتولارىن سول جەردە جاريالايتىن بولامىن»، - دەدى دجوننا ەليزاۆەت رايتەر.
ەۋروپالىق قوناقتارعا كوشپەندىلەر ويىندارىنداعى اتموسفەرا ۇناپ جاتىر، اسىرەسە مۋزىكا. سونداي-اق، ازىرگە قازاقتىڭ ۇلتتىق تاعامدارىنىڭ ءدامىن تاتپاعانىن ايتتى.
«جىلقى ەتىن جەپ كورگىمىز كەلەدى، سەبەبى ءبىزدىڭ ەلدە جىلقى ەتىنەن جاسالاتىن تاعام جوق»، - دەيدى ول.
ودان بولەك، نيدەرلاندتان جەتكەن مەيماندار كوكپار، كوكبورى جانە ساداق اتۋ ويىندارىن تاماشالايتىنىن ايتتى.
ەسكە سالا كەتسەك، استانا ءوتىپ جاتقان V دۇنيەجۇزىلىك كوشپەندىلەر ويىندارىنا قاتىسۋشى ەلدەر 10 سپورت تۇرىنەن سىنعا ءتۇستى.
ايتا كەتەيىك، 9 -قىركۇيەكتىڭ قورىتىندىسى بويىنشا قازاقستان مەدالدار كەستەسىندە كوش باستادى. كەشە ءبىزدىڭ سپورتشىلار قورجىنعا 14 التىن، 3 كۇمىس جانە 8 قولا مەدال سالدى.
اۆتور
داۋلەت ىزتىلەۋ
