جىل باسىنان بەرى تۋا بىتكەن جۇرەك اقاۋى بار بالالارعا 1708 وتا جاسالدى
استانا. KAZINFORM - جىل باسىنان باستاپ 2024 -جىلدىڭ قىركۇيەگىنە دەيىن تۋا بىتكەن جۇرەك اقاۋى بار بالالارعا 1708 اشىق جۇرەككە وپەراتسيا جاسالدى، ونىڭ %48- ى 1 جاسقا دەيىنگى بالالار. بۇل تۋرالى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى ءمالىم ەتتى.
ءبىزدىڭ ەلىمىز ورتالىق ازيادا تۋعاننان باستاپ كارديوحيرۋرگيالىق وپەراتسيالار جۇرگىزىلەتىن جالعىز مەملەكەت.
اسا اۋىر جاعدايلاردا بالالاردىڭ ءومىرىن ساقتاپ قالۋ ءۇشىن قازاقستاندا تەلەمەديتسينالىق تەحنولوگيالار مەن مەديتسينالىق اۆياتسيا ىسكە اسىرىلدى.
ساناۆياتسيانىڭ 459 ۇشۋى، ونىڭ 292-ءسى جاڭا تۋعان نارەستەلەرگە ۇشۋى ورىندالدى. 1357 بالاعا مەديتسينالىق كومەك كورسەتىلدى. 498 بالا، ونىڭ ىشىندە 291 بالا استانا جانە الماتى قالالارىنا تاسىمالداندى.
ەسكە سالا كەتەيىك، «اڭساعان ءسابي» باعدارلاماسى ارقىلى 8 مىڭ نارەستە دۇنيەگە كەلدى.
