جىل باسىنان بەرى 7,3 مىڭنان استام ەتنيكالىق قازاق قانداس مارتەبەسىن الدى

туризм
Фото: ҚР Еңбек және халықты әлеуметтік қорғау министрлігі

استانا. KAZINFORM - 2024 -جىلعى 1-ماۋسىمداعى جاعداي بويىنشا 7353 ەتنيكالىق قازاق تاريحي وتانىنا ورالىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 135,7 مىڭ ەتنيكالىق قازاق ورالعان.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قانداستاردىڭ جارتىسى (%49,4) قىتايدان، %6,3 - تۇرىكمەنستاننان، 5,4 - موڭعوليادان، 34,4 - وزبەكستاننان، 3,2 - رەسەيدەن جانە %1,3 باسقا ەلدەردەن كەلگەن.

وسى جىلعى 1 -ماۋسىمداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى %59,1- دى، ەڭبەككە قابىلەتتى جاستان كىشى %31,2- دى جانە زەينەتكەرلەر %9,7- دى قۇرايدى.

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %16,9- ى جوعارى ءبىلىمدى، %22,6- ى ورتا كاسىبي ءبىلىمدى، %55,3- ى جالپى ورتا ءبىلىمدى، جانە %5,2- ىنىڭ ءبىلىمى جوق.

قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى.

سونىمەن بىرگە، قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى: اقمولا، اباي، قوستاناي، پاۆلودار، شىعىس جانە سولتۇستىك قازاقستان وبلىستارى.

قونىستاندىرۋ وڭىرلەرىندە 2024 -جىلعا ارنالعان قانداستاردى قابىلداۋ كۆوتاسى 2433 ادامدى قۇرايدى. 2024 -جىلعى 1 -ماۋسىمداعى جاعداي بويىنشا قونىستاندىرۋ وڭىرلەرىنە 1697 قانداس قونىس اۋداردى.

جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى - ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 ا ە ك (258,4 مىڭ تەڭگە) مولشەرىندە؛ تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە - ءبىر جىل ىشىندە 15-تەن 30 ا ە ك (55,3-دەن 110,7 مىڭ تەڭگەگە دەيىن) مولشەرىندە كومەك بەرىلەدى.

«جىل باسىنان بەرى 1405 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 419 ادام تۇراقتى جۇمىسقا ورنالاستىرىلدى. سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ %50- ى نەمەسە ءبىر وتباسىنا 4,28 ميلليون تەڭگەگە دەيىن مولشەرىندە ءبىرجولعى وتەۋسىز جانە قايتارىمسىز نەگىزدە ەنگىزىلدى»، - دەلىنگەن مينيسترلىك تاراتقان اقپاراتتا.

ەستەرىڭىزگە سالا كەتەيىك، 2023 -جىلدان باستاپ پيلوتتىق رەجيمدە قازاقستان ەلشىلىكتەرى ارقىلى «ءبىر تەرەزە» قاعيداتى بويىنشا قانداس مارتەبەسىن بەرۋ تەتىگى ىسكە اسىرىلدى. پيلوتتىق جوبا شەڭبەرىندە ەلىمىزگە بارۋ، جۇمىس ورنى، تۇرعىن ءۇي بەرۋ مۇمكىندىكتەرى تۋرالى ماسەلەنى شەشۋگە جانە رەسپۋبليكا اۋماعىنا كىرمەي- اق قانداس مارتەبەسىن الۋعا بولادى. بۇگىنگى تاڭدا ەتنيكالىق قازاقتاردان جاڭا فورماتتا 9569 ءوتىنىش قابىلدانعان.

اۆتور

ورالحان قوجانوۆ

سوڭعى جاڭالىقتار