«جىبەك جولى» ارناسى جوعارى ەۋرازيالىق ەكونوميكالىق كەڭەس وتىرىسىنان حابار تاراتادى

استانا. KAZINFORM - سانكت- پەتەربۋرگتە جۇمىسىن باستايتىن جوعارى ەۋرازيالىق ەكونوميكالىق كەڭەستىڭ (ج ە ە ك) وتىرىسىن Jibek Joly YouTube ارناسىنان تىكەلەي ەفيردە كورۋگە بولادى.

جوعارى ەۋرازيالىق ەكونوميكالىق كەڭەستىڭ 26 -جەلتوقسانداعى وتىرىسىندا قارالاتىن ماسەلەلەر مىناداي:

- ە ا ە و حالىقارالىق قىزمەتىنىڭ 2025-جىلعا ارنالعان نەگىزگى باعىتتارى؛

- وداقتىڭ جانە ءۇشىنشى تاراپتىڭ (ءۇشىنشى تۇلعالاردىڭ) ءبىرىڭعاي كەدەندىك ترانزيتتىك جۇيەسى تۋرالى كەلىسىمگە قول قويۋى؛

- تەرگەۋ جۇرگىزۋدىڭ جانە ارنايى قورعاۋ، دەمپينگكە قارسى جانە وتەماقى شارالارىن قولدانۋ نەمەسە قولدانباۋ تۋرالى شەشىمدەر قابىلداۋدىڭ ارنايى تەتىگى بولىگىندە وداق تۋرالى شارتقا وزگەرىستەر ەنگىزۋ تۋرالى حاتتاماعا قول قويۋ تۋرالى؛

- ە ا ە و جانە وعان مۇشە مەملەكەتتەر، ءبىر جاعىنان، يران يسلام رەسپۋبليكاسى، ەكىنشى جاعىنان، ەركىن ساۋدا تۋرالى كەلىسىمنىڭ كۇشىنە ەنۋى تۋرالى؛

- يرانعا وداقتاعى باقىلاۋشى مەملەكەت مارتەبەسىن بەرۋ تۋرالى؛

- ە ا ە و ەلەكتر ەنەرگياسىنىڭ ورتاق نارىعىن قالىپتاستىرۋعا باعىتتالعان ءىس-شارالار جوسپارىنا وزگەرىستەر ەنگىزۋ تۋرالى؛

- وداق مەملەكەتتەرىنىڭ قارجى نارىعىنداعى زاڭناماسىن ۇيلەستىرۋ بارىسى تۋرالى؛

- ە ا ە و- دا قىزمەتتەردىڭ ءبىرىڭعاي نارىعىنىڭ جۇمىس ىستەۋى تۋرالى؛

- ە ا ە و شەڭبەرىندە قىزمەت كورسەتۋدىڭ جەكەلەگەن سالالارىن ىرىقتاندىرۋ جوسپارلارىن ىسكە اسىرۋ تۋرالى؛

- 2024 -جىلى وداقتىڭ ىشكى نارىعىنداعى كەدەرگىلەردى جويۋعا، بوساتۋلار مەن شەكتەۋلەردى قىسقارتۋعا قاتىستى جاعداي تۋرالى؛

- ە ا ە و سوتىنا جۇگىنگەن كەزدە كاسىپكەرلىك سۋبەكتىلەرى تولەيتىن باج سالىعىن بەكىتۋ تۋرالى؛

- وداق ورگاندارىنا ءتوراعالىق ەتۋ تۋرالى؛

- ە ا ە و كەلەسى وتىرىسىنىڭ ۋاقىتى مەن ورنى تۋرالى.

ايتا كەتەيىك، بۇعان دەيىن ە ا ە و مەن ب ا ءا ەركىن ساۋدا كەلىسىمى بويىنشا كەلىسسوزدەردى اياقتاعان.

ەركەجان سماعۇلوۆا

اۆتور