جولاۋشى FlyArystan قىزمەتكەرىن سوققىعا جىقتى

الماتى. KAZINFORM - الماتى حالىقارالىق اۋەجايىندا الماتى- استانا باعىتىنداعى FS 7057 رەيسىنىڭ جولاۋشىسى FlyArystan قىزمەتكەرىنە جۇدىرىق الا جۇگىرگەن.

Рейс кешіктірілген кезде жолаушыларды қонақүйге орналастырмағаны үшін FlyArystan жауапкершілікке тартылды
Фото: Kazinform

اۋە كومپانيادان ءمالىم ەتكەندەي، كەلەڭسىز جاعداي 14- قاڭتار كۇنى بولعان.

جولاۋشى تىركەۋ ورنىنا ۇشىپ شىعۋعا 30 مينۋت قالعاندا كەلىپ، رەيسكە تىركەلگەنىن راستاعاننان كەيىن تەكسەرۋ ايماعىنا وتكەن. الايدا، ول رەيسكە ۇلگەرمەي قالعان.

كەيىن جولاۋشى تىركەۋ ايماعىنا قايتا ورالىپ، تەكسەرۋ ايماعىنا باعىت كورسەتكەن قىزمەتكەرگە ءتىل تيگىزىپ، ونىڭ تەلەفونىن لاقتىرىپ جىبەرگەن. ارتىنشا، جۇدىرىق الا جۇگىرگەن.

باسپاءسوز قىزمەتى اۋە تاسىمالداۋشىسى ءوز قىزمەتكەرلەرىنە جانە باسقا جولاۋشىلارعا قاتىستى زورلىق-زومبىلىقتىڭ كەز كەلگەن تۇرىنە، سونىڭ ىشىندە فيزيكالىق شابۋىلدارعا، قورقىتۋلار مەن بالاعات سوزدەرگە نولدىك توزىمدىلىك ساياساتىن قاتاڭ ۇستاناتىنىن ەسكە سالدى.

- دەسترۋكتيۆتى مىنەز- قۇلىق كورسەتكەن جولاۋشى قولدانىستاعى زاڭناماعا سايكەس جاۋاپقا تارتىلادى. اۋە كومپانياسى سونىمەن قاتار ءوز قاۋىپسىزدىك ساياساتى اياسىندا ءتيىستى شارالاردى قولدانۋ قۇقىعىن، سونىڭ ىشىندە جولاۋشىنى قارا تىزىمگە ەنگىزۋ مۇمكىندىگىن وزىندە ساقتاپ قالادى. ءبىز ءار جولاۋشىنىڭ ءوزىنىڭ مىنەز-قۇلقى مەن باسقالارعا قۇرمەت كورسەتۋ نورمالارىن ساقتاۋعا تولىق جاۋاپتى ەكەنىن ەرەكشە اتاپ وتەمىز. رەيسكە ۋاقىتىندا كەلۋ - بۇل جولاۋشىنىڭ جەكە جاۋاپكەرشىلىگى ەكەنىن ەستە ۇستاۋ ماڭىزدى، - دەپ اتاپ ءوتتى كومپانيا باسپا ءسوز قىزمەتى.

وسىعان دەيىن FlyArystan اۋەكومپانياسىنىڭ استانا - وسكەمەن باعىتى بويىنشا رەيسى ۇشۋعا دايىندالىپ جاتقاندا جولاۋشى بورتسەرىككە قول جۇمساعان بولاتىن.

الما مۇقانوۆا

اۆتور

سوڭعى جاڭالىقتار