جوعارى ءبىلىم الۋعا پايىزسىز نەسيە بەرىلەدى
استانا. قازاقپارات - ەلدە تالاپكەرلەر جوعارى ءبىلىم الۋ ءۇشىن پايىزسىز نەسيە الا الادى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى. ونىڭ ايتۋىنشا، قازىر جوبانىڭ نەگىزگى تەتىكتەرى قارالىپ جاتىر.
سونىمەن قاتار ۇ ب ت- دان جوعارى بالل جيناپ، ءبىراق ۋنيۆەرسيتەتكە تۇسە الماعان تۇلەكتەرگە سارالانعان گرانت بەرىلەدى. ونىڭ ەرەكشەلىگى، وقۋ اقىسىنىڭ ءبىر بولىگىن مەملەكەت، ال قالعانىن ستۋدەنت تولەيدى. بۇل شارالار ءبىلىمپاز جاستاردىڭ كاسىبي مامان اتانۋىنا تاعى ءبىر مۇمكىندىك سىيلاۋعا باعىتتالعان.
ساياسات نۇربەك، ق ر عىلىم جانە جوعارى ءبىلىم ءمينيسترى:
- ءبىرقاتار ەكىنشى دەڭگەيلى بانكپەن جانە ءوزىمىزدىڭ قارجى ورتالىعىمىزبەن تالقىلاندى. زاڭنامالىق تۇرعىدا پىسىقتالدى. تالاپكەرلەر ا ق ش- تاعىداي پايىزسىز نەسيە الا الادى. جوبا جىلدىڭ اياعىنا دەيىن ىسكە قوسىلادى.
