18:41, 06 - ماۋسىم 2024 | GMT +5
جوعارعى سوت قاڭتاردا وققا ۇشقان ايكوركەمنىڭ ولىمىنە قاتىستى ءىستى قايتا قاراۋعا جىبەردى
الماتى. KAZINFORM - جوعارعى سوت قاڭتار وقيعاسى كەزىندە وققا ۇشقان ايكوركەمنىڭ ءىسى بويىنشا 7 جىلعا سوتتالعان اسكەري قىزمەتكەر ارمان جۇماننىڭ ءىسى بويىنشا شەشىم شىعاردى.

«ا. جۇمانعا قاتىستى قىلمىستىق ءىس قۇپيا تۇردە قارالدى. كاسساتسيالىق قاداعالاۋدىڭ قورىتىندىسى بويىنشا تومەنگى تۇرعان ورگانداردىڭ سوت اكتىلەرىنىڭ كۇشى جويىلدى، ءىس اپەللياتسيالىق ساتىداعى سوتقا جاڭادان قاراۋعا جىبەرىلدى»، - دەپ حابارلادى جوعارعى سوت.
بۇعان دەيىن ءىستى اپەللياتسيالىق تارتىپتە قاراعان اسكەري سوتتىڭ ۇكىمىمەن ارمان جۇمان 7 جىلعا سوتتالعان ەدى.
2023 -جىلى الماتى گارنيزونى اسكەري سوتى قاڭتاردا كىشكەنتاي ايكوركەمدى ءولتىردى دەپ ايىپتالعان ارمان جۇمانعا ۇكىم شىعارىپ، ونى اقتاعان ەدى.