جوعالىپ كەتكەن ەكس-سۋديا ايگۇل سايلىبايەۆانىڭ جاقىندارى ونىڭ قانداي زورلىق كورگەنىن ايتتى

استانا. KAZINFORM - ايگۇل سايلىبايەۆانىڭ اعاسى قانات مايلىبايەۆ اپكەسى 3-ماۋسىمنان باستاپ بايلانىسقا شىقپاعانىنا الاڭداۋلى. ول ق ر س ءى م ايگۇلدىڭ وتباسىنا ۆيزالىق قولداۋ كورسەتكەنىن، ولار دۇيسەنبىدە گەرمانيا تاراپىنان ۆيزانى رەسىمدەۋگە جاۋاپ الۋدى اسىعا كۇتىپ وتىرعانىن اتاپ ءوتتى.

судья
Фото: Қанат Сайлыбаевтың жеке мұрағатынан

ايگۇلدىڭ دوسى مەن اپكەسى جۇبايى مەن ەنەسى وعان قىسىم كورسەتىپ، كىشكەنتاي قىزىن تارتىپ العىسى كەلەتىنىن دە جاسىرماي ايتتى.

جاقىندارى ايتقانداي، ايگۇل سايلىبايەۆا زاڭگەرلەر وتباسىنان شىققان. اكەسى - وتستاۆكاداعى سۋديا، ال اناسى - ادۆوكات. ايگۇل قازمۋ- دىڭ زاڭ فاكۋلتەتىن ۇزدىك ءبىتىرىپ، «بولاشاق» ستيپەندياسىن يەگەرى اتانعان. استانا اۋداندارىنىڭ بىرىندە جانە باسقا دا مەملەكەتتىك ۆەدومستۆولاردا سۋديا بولىپ جۇمىس ىستەگەن.

судья
Фото: Қанат Сайлыбаевтың жеке мұрағатынан

قانات سايلىبايەۆتىڭ ايتۋىنشا، ول گەرمانيادا جۇبايى الەكساندر دونتسوۆپەن، قىزىمەن، قايىن ەنەسى ناتاليا دونتسوۆامەن بىرگە تۇرادى. بەس كۇن بۇرىن ايگۇل حابارلامالارعا جاۋاپ بەرۋدى توقتاتقان.

«انام ايگۇل قىزىن بالاباقشادان ۇيگە الىپ بارا جاتقاندا، ياعني 3-ماۋسىمدا سويلەسىپتى. كەلەسى كۇنى، 4-ماۋسىمدا بايلانىس توقتادى. ءتىپتى، حابارلامالار جىبەرىلمەدى. مۇنداي جاعداي ەشقاشان بولعان ەمەس. كۇيەۋىنە، قايىن ەنەسىنە قوڭىراۋ شالدىق، ولار جاۋاپ بەرمەدى. تۇندە جۇبايىنىڭ اعاسى ۆلاديمير دونتسوۆ جاۋاپ بەرىپ، ايگۇلدىڭ قىزىن قايىن ەنەسىمەن بىرگە اپارىپ تاستاپ، ءبىر جەرگە كەتكەنىن ايتتى. كەيىنىرەك قايىن ەنەسى جالعىز ورالعان. الەكساندردىڭ ءوزى ايەلىنىڭ قايدا ەكەنىن بىلمەيدى»، - دەدى قانات سايلىبايەۆ.

судья
Фото: Қанат Сайлыбаевтың жеке мұрағатынан

اعاسى كوپ ۇزاماي ايگۇلدىڭ وتباسى قازاقستاننىڭ گەرمانياداعى كونسۋلدىعىنا جۇگىنگەنىن ايتتى.

«الەكساندر دونتسوۆ پوليتسياعا جۇبايىنىڭ جوعالعانى تۋرالى مالىمدەمەگەن. ادامنىڭ جوعالۋى تۋرالى قىلمىستىق ءىس قوزعالدى. جوعالعاننان بىرنەشە كۇن وتكەن سوڭ الەكساندر قوڭىراۋلارعا جاۋاپ بەرە باستادى، ءبىراق ايگۇلدىڭ قايدا ەكەنىن بىلمەيتىنىن ايتتى. قايىن ەنەسى ناتاليا دونتسوۆا ماعان جاۋاپ بەردى. اڭگىمەلەردىڭ بىرىندە ول كىنالى ەمەس ەكەنىن جانە ايگۇلدىڭ قايدا ەكەنىن بىلمەيتىنىن مويىندادى. بۇدان كەيىن قايىن ەنەسى مۇلدەم بايلانىسقا شىقپادى»، - دەپ قوستى قانات سايلىبايەۆ.

ونىڭ ايتۋىنشا، الەكساندر دونتسوۆ - قازاقستانداعى بانك جۇيەسىنىڭ بىرىندە ديرەكتور بولعان لاۋازىمدى ازاماتتىڭ نەمەرەسى. ول ايگۇل جوعالىپ كەتكەننەن كەيىن ءبىراز ۋاقىت وتكەن سوڭ كەزىندە ابىرويى دۇركىرەپ تۇرعان الەكساندر دونتسوۆتىڭ ۇلكەن اجەسى الەكساندردىڭ كامەلەتكە تولماعان قارىنداسىمەن بىرگە قازاقستاننان شۇعىل كەتىپ قالعان.

судья
Фото: Қанат Сайлыбаевтың жеке мұрағатынан

ايگۇل سايلىبايەۆانىڭ دوسى ماليكا تاكەنوۆا ستۋدەنت كەزدەن باستاپ ونىمەن دوس بولعانىن جانە ونى جاۋاپكەرشىلىگى مول ادام رەتىندە بىلەتىنىن اتاپ ءوتتى.

«2019 -جىلى ايگۇل الەكساندر دونتسوۆقا تۇرمىسقا شىقتى. ايگۇل جۇبايى ەكەۋىنىڭ اراسىندا العاشقى كيكىلجىڭ 2021 -جىلى رەسەيدەن گەرمانياعا كوشىپ، ەنەسى ناتاليا دونتسوۆامەن بىرگە تۇرا باستاعاندا باستالعانىن ايتتى. الەكساندر دوكتورانتۋرادا وقىپ ءجۇرىپ، وتباسىن بار جاعىنان قامتاماسىز ەتتى. الەكساندردىڭ ايگۇلگە دەگەن كوزقاراسى وزگەرە باستادى. ەرلى-زايىپتىلار ءجيى ۇرىسا باستادى»، - دەپ اتاپ ءوتتى ماليكا تاكەنوۆا.

ول دوسىنىڭ از سويلەسە باستاعانىن جانە ءوزىن ناشار سەزىنەتىنىنە شاعىمدانعانىن، دەپرەسسيا تۋرالى ايتقانىن جەتكىزدى.

«2023 -جىلدىڭ جەلتوقسانىندا ەرلى-زايىپتىلار قىزىمەن الماتىعا ۇشىپ كەلدى. ءبىز ايگۇلمەن از ۋاقىت جولىقتىق. مەن ونىڭ كۇيەۋى ۋايىمدايتىنىن ايتىپ، اسىعىپ كەتكەنىنە نازار اۋداردىم. ايگۇل جۇبايىنىڭ اگرەسسيۆتى بولىپ بارا جاتقانىن ايتتى. ءتىپتى وسى جىلى ايگۇلدى ۇرا باستاعان. ال بۇعان دەيىن كۇيەۋى قورلاپ كەلگەن»، - دەپ ناقتىلادى ول.

ماليكا تاكەنوۆانىڭ ايتۋىنشا، كونسۋلدىق قىزمەتكەرلەر الەكساندردان اناسى ناتاليا دونتسوۆا ايگۇل جوعالىپ كەتپەس بۇرىن ونىڭ زاتتارىن جيناعانىن، ال الەكساندردىڭ ءوزى ايەلىنىڭ اقشاسى مەن قۇجاتتارىن العانىن بىلگەن.

سونداي- اق، جوعالعان ادامداردىڭ جاقىندارى دونتسوۆتار وتباسىنىڭ بىرنەشە ازاماتتىعى بار دەپ سانايدى. سونىڭ ىشىندە قازاقستان، گەرمانيا، رەسەي، ۋكراينا جانە گرين- كارتا دا بار.

«ايگۇل الەكساندر ەش ەسكەرتپەستەن رەسەي ازاماتتىعىن الۋ ءۇشىن ءوزىنىڭ جانە قىزىنىڭ قۇجاتتارىن تاپسىرعانىن ايتتى. دوسىم بۇل تۋرالى تەك ازاماتتىق الۋدىڭ سۇحباتتاسۋ كەزەڭىندە بىلگەن. ايگۇل ەنەسى مەن جۇبايى قىزىن الىپ كەتكىسى كەلەدى دەپ قورقادى. ناتاليا دونتسوۆا ءار ءتۇرلى سىلتاۋمەن ايگۇلدەن قىزدى وزىنە قالدىرۋدى وتىنگەن. ايگۇل اجىراسۋدى جوسپارلادى، ءبىراق قىزىن وزىمەن بىرگە الىپ كەتكىسى كەلگەن. ال الەكساندر مۇنى بوپسالادى، ايگۇل قىزىنىڭ قاسىندا تۇرۋ ءۇشىن ايتقانىنىڭ ءبارىن جاسادى»، - دەدى ماليكا تاكەنوۆا.

ايگۇل الماتىعا كەلگەن كەزىندە اپكەسى جۇلدىزاي ابۋدبايدوۆامەن دە سويلەسىپ، سىرىن ايتقان.

«2024 -جىلدىڭ 6-اقپانىنا دەيىن مەن ايگۇلدىڭ جاعدايى جاقسى دەپ ويلادىم. ءبىراق كەزدەسۋدە ول ماعان الەكساندردىڭ قىزدىڭ بارلىق قۇجاتىن الىپ، ۇيدەن تىس جەردە جاسىرعانىن، بالاسىمەن بىرگە ۇيدەن شىعۋعا تىيىم سالعانىن، جاقىندارىمەن سويلەسۋىنە جول بەرمەيتىنىن ايتتى. ونىڭ ايتۋىنشا، كۇيەۋى ايگۇل ارتىق نارسەنى ايتادى دەپ قورىققان. مەن وعان قازاقستاندا قالۋعا كەڭەس بەردىم، ءبىراق ول بالا ءۇشىن گەرمانياعا ۇشۋ كەرەك دەدى. مۇندا قىزىمەن بىرگە بولا المايدى، ويتكەنى جۇبايى بالانى گەرمانيا پوليتسياسىنا ۇرلاپ اكەتكەنىن مالىمدەي الادى. مەنىڭ «جالعىز ۇشۋدان قورىقپايسىڭ با؟» دەگەن ساۋالىما ول كوپ نارسەنى بىلەتىنىن، سوندىقتان ولار وعان ەشتەڭە جاساي المايتىنىن ايتتى»، - دەپ قوستى جۇلدىز ابۋدبايدوۆا.

ق ر س ءى م رەسمي وكىلى ايبەك سمادياروۆ Kazinform ءتىلشىسىنىڭ سۇراعىنا جاۋاپ بەرە وتىرىپ، بۇل ءىس گەرمانياداعى قازاقستاندىق ديپلوماتتاردىڭ باقىلاۋىندا ەكەنىن ايتتى. جەرگىلىكتى پوليتسيا ىزدەستىرۋ شارالارىن باستادى. كونسۋل ايگۇلدىڭ تۋىستارىمەن تۇراقتى بايلانىستا.

اۆتور

ورالحان قوجانوۆ

سوڭعى جاڭالىقتار