جەتىسۋ وبلىسىندا توننا-توننا پياز دالادا شاشىلىپ جاتىر

تالدىقورعان. KAZINFORM - جەتىسۋ وبلىسىندا 150 تونناداي پياز دالادا شاشىلىپ جاتىر. سەبەپ، ەسكەلدىلىك شارۋا جاز بويى بەل جازباي جيعان ءونىمىن وتكىزە الماۋى. ءشىرىپ بارا جاتقان پيازدى توگۋدەن باسقا امالى قالماپتى.

«الاتىن ادام بولماي قالدى عوي، قويمانى جالعا العان، بارىنە ادام جالداۋ كەرەك، سودان ماعان كومەكتەسشى دەپ سۇرادى. ۇيالعانىمنان كەلىستىم، شارۋالارعا دا وڭاي ەمەس. 9 ميلليون اقشاسى كۇيىپ كەتتى» - دەدى، پياز توگىلگەن جەردىڭ يەسى قاناعات قاريپوۆ.

ال، جەرگىلىكتى اكىمدىك وكىلدەرى بۇل جاعدايدان حاباردار. شارۋا «ءونىمدى ساتا الماي وتىرمىن دەپ كومەك سۇراعان جوق»، - دەيدى اكىمدىك. سوزدەرىنشە، قوجالىق يەسى 3 گەكتارعا پياز سەبەدى.

«پياز وسىرۋمەن شۇعىلداناتىن شارۋ قوجالىعى بىزدەن كومەك سۇراعان جوق. اسىلىندە اۋداندا اپتا سايىن جارمەڭكە ۇيىمداستىرىلاتىنىن بىلەدى. وتپەي قالعان جۋا ىسىراپ بولدى» - دەيدى، ەسكەلدى اۋداندىق اۋىلشارۋاشىلىعى جانە جەر قاتىناستارى ءبولىمىنىڭ باسشىسى قۋات قوجاحمەتوۆ.

سالا ماماندارىنىڭ ەسەبىنشە، بىلتىر ەلىمىزدە 1 ميلليون توننادان ارتىق پياز جينالعان. ال، حالىققا جىلىنا 315 مىڭ تونناسى عانا قاجەت ەكەن. قالعان ءونىم ەكسپورتقا شىعارىلۋى كەرەك بولعان. الايدا مينيسترلىك ماماندارى بيىل ەكسپورت كولەمى تومەندەگەنىن، ونى لوگيستيكالىق قيىندىقتار مەن سۇرانىستىڭ ازدىعىمەن بايلانىستىردى. ال قازىر رەسپۋبليكا بويىنشا قويمادا ءالى ساتىلماعان 100 مىڭ توننادان اسا ءونىم جاتىر.

اۆتور

ديانا تۇرلىبەك