جەتىسۋ وبلىسىندا استىق جيناۋ ناۋقانى باستالدى

تالدىقورعان. KAZINFORM - جەتىسۋ وبلىسىندا ەگىن ورۋ جۇمىستارى 8-شىلدەدە باستالدى. قازىر جۇمىس قارقىندى جۇرگىزىلىپ جاتىر. بۇگىنگى تاڭدا 25,4 مىڭ گەكتار ءداندى داقىلدار ورىلىپ، 63,7 مىڭ توننا استىق باستىرىلدى.

بۇل تۋرالى جەتىسۋ وبلىسى اكىمىنىڭ باسپا ءسوز قىزمەتى مالىمدەدى.

وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا، وسى جىلى وبلىستا 956 مىڭ توننا ءداندى داقىلدار جيناۋ جوسپارلانىپ وتىر.

ءونىمدى تازالاۋعا ارنالعان ماشينالارمەن قامتىلعان 92 قىرمان جانە ءونىمدى ساقتاۋعا سىيىمدىلىعى 713,5 مىڭ تونناعا ارنالعان 487 قويما بار. سونىمەن قاتار، استىقتى جيناۋعا 1139 دانا كومباين جۇمىلدىرىلىپ وتىر.

اۆتور

باقىتگۇل اباي قىزى