جەتىسۋ وبلىسىندا 3 جاسار بالا ءۇش كۇننەن بەرى تابىلماي جاتىر
تالدىقورعان. قازاقپارات – 7- قىركۇيەك كۇنى كۇندىزگى 10:00 شاماسىندا ۇيدەن شىعىپ كەتكەن بالا ءتورتىنشى كۇن ءالى تابىلمادى.
كوكسۋ بەكەتىنىڭ تۇرعىندارى مەن بارلىق قۇرىلىم وكىلدەرى، ەرىكتىلەر جابىلىپ ىزدەستىرۋدە. سوڭعى رەت وزەن بويىنداعى كوپىردەن ءوتىپ بارا جاتقانىن كورگەندەر بار ەكەن.
«بالالاردى دالاعا شىعارىپ ءوزىم اس ۇيدە تاماق جاساپ جۇرگەنمىن. بالام اۋلادا ويناپ وتىرعان. ارادا 15 مينۋتتاي عانا ۋاقىت وتكەن شىعار، سىرتقا شىقسام الديار جوق. سول كۇننەن باستاپ، مىنە، قازىرگە دەيىن ىزدەستىرىپ جاتىرمىز»، - دەيدى بالانىڭ اناسى اينۇر بەكجانوۆا.
الديار - توعىز بالانىڭ جەتىنشىسى. توماعا- تۇيىق. ادەتى - باس بارماعىن ۇنەمى اۋزىنا سالىپ جۇرەدى.
بويى 60-65 س م. شاشى اشىق قوڭىر. دەنە ءبىتىمى ورتاشا. ۇيدەن شىعىپ كەتكەندە ۇستىنە سۇر جەمپىر، قارا شالبار كيگەن. اياق كيىمى اق ءتۇستى.
كورگەن- بىلگەندەر بولسا 102 نەمەسە 87472712124 نومىرىنە حابارلاسۋلارىڭىزدى سۇرايدى.
اۆتور
ايبەك قۇتتىبەك
