جەتىسۋ وبلىسىندا 1,5 ميلليارد تەڭگەلىك التىن قۇرامدى كەندى زاڭسىز اكەتۋ ارەكەتى توقتاتىلدى
استانا. KAZINFORM- قارجىلىق مونيتورينگ اگەنتتىگىنىڭ جەتىسۋ وبلىسى بويىنشا دەپارتامەنتى جالپى قۇنى 1,5 ميلليارد تەڭگە بولاتىن 2,6 مىڭ توننا التىن قۇرامدى كەندى ەلدەن زاڭسىز الىپ شىعۋ ارەكەتىن توقتاتتى، دەپ حابارلايدى اگەنتتىكتىڭ باسپا ءسوز قىزمەتى.
شيكىزاتتى شەتەلگە شىعارۋ ءۇشىن كەدەن قۇجاتتارىندا جۇك «مىس كەنى مەن كونسەنتراتتارى» دەپ كورسەتىلىپ، ونىڭ ناقتى قۇرامى جاسىرىلعان.
كەيىنگى تەرگەۋ جانە جەدەل-ىزدەستىرۋ شارالارى بارىسىندا شىعىس قازاقستان جانە الماتى وبلىستارىنداعى قويمالاردان ءىرى كونتەينەرلەرگە سالىنعان 1000 توننادان استام شيكىزات تابىلدى.
تەرگەۋ بارىسىندا زاڭسىز ارەكەتتەردى ۇيىمداستىرۋعا قاتىسى بار «RedGold Mining» ج ش س ەكسپورتتاۋشى كومپانياسىنىڭ ديرەكتورى مەن وزگە دە تۇلعالار انىقتالدى.
- ەكى كۇدىكتى قاماۋعا الىندى. سوتتىڭ رۇقساتىمەن سەرىكتەستىكتىڭ اقشالاي قاراجاتىنا تىيىم سالىندى. ق ر قىلمىستىق- پروتسەستىك كودەكسىنىڭ 201-بابىنا سايكەس وزگە مالىمەتتەر جاريا ەتىلمەيدى، - دەلىنگەن حابارلامادا.
ايتا كەتەيىك، قازاقستان التىن وندىرۋدەن الەمدەگى ۇزدىك 15 ەلدىڭ قاتارىنا كىرەدى.
